Basic information
Number
N 208-Ն
Type
Որոշում
Act type
Հիմնական ակտ (31.03.2007-03.05.2012)
Status
Գործում է
Source
ՀՀՊՏ 2007.03.21/16(540) Հոդ.350
Enactment organisation
ՀՀ կառավարություն
Enactment date
25.01.2007
Signing organisation
ՀՀ վարչապետ
Signing date
01.03.2007
Ratification organisation
ՀՀ Նախագահ
Ratification date
06.03.2007
Effective date
31.03.2007

«Վավերացնում եմ»
Հայաստանի Հանրապետության
Նախագահ Ռ. Քոչարյան
6 մարտի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 հունվարի 2007 թվականի N 208-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՄԱՆ, ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ԱՐՏԱԴՐՈՒԹՅԱՆ ԼԻՑԵՆԶԻԱ ՈՒՆԵՑՈՂ ԶՏԱՐԿՈՂ ԿԱԶՄԱԿԵՐՊՈՒԹՅՈՒՆՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Թանկարժեք մետաղների մասին» Հայաստանի Հանրապետության օրենքի 5-րդ հոդվածի առաջին մասը` Հայաստանի Հանրապետության կառավարությունը որոշում է.

1. Սահմանել Հայաստանի Հանրապետությունում թանկարժեք մետաղների զտարկման, բանկային ոսկու և ստանդարտացված ձուլակտորների արտադրության լիցենզիա ունեցող զտարկող կազմակերպություններին ներկայացվող պահանջները` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
վարչապետ

 Ա. Մարգարյան


2007 թ. մարտի 1
Երևան

Հավելված
ՀՀ կառավարության 2007 թվականի
հունվարի 25-ի N 208-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՄԱՆ, ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ԱՐՏԱԴՐՈՒԹՅԱՆ ԼԻՑԵՆԶԻԱ ՈՒՆԵՑՈՂ ԶՏԱՐԿՈՂ ԿԱԶՄԱԿԵՐՊՈՒԹՅՈՒՆՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

1. Հայաստանի Հանրապետությունում թանկարժեք մետաղների զտարկման, բանկային ոսկու և ստանդարտացված ձուլակտորների արտադրության լիցենզիա ունեցող զտարկող կազմակերպության (այսուհետ` զտարկող կազմակերպություն) արտադրական տարածքները, շենքերը և շինությունները պետք է համապատասխանեն ՀՀՇՆ IV-11.03.01-04 «Արտադրական շենքեր» Հայաստանի Հանրապետության քաղաքաշինության նախարարի 2004 թվականի մարտի 3-ի N 16-Ն հրամանով նախատեսված պահանջներին ու պայմաններին:

2. Զտարկող կազմակերպությունը պետք է հագեցված լինի թանկարժեք մետաղների զտարկման, բանկային ոսկու և ստանդարտացված ձուլակտորների արտադրության համար «Թանկարժեք մետաղների մասին» Հայաստանի Հանրապետության օրենքով սահմանված պահանջներին համապատասխանող սարքավորումներով:

3. Զտարկող կազմակերպությունը պետք է ունենա իր կողմից թողարկվող արտադրանքի համար հաստատված համապատասխան տեխնոլոգիական գործընթացի փաստաթղթեր, տեխնիկական կանոնակարգեր, որոնք նաև պետք է ապահովեն գործունեության իրականացման տեխնիկական անվտանգությունը:

4. Զտարկող կազմակերպության անվտանգությունը պետք է իրականացվի ռազմականացված պահակախմբի միջոցով:

5. Զտարկող կազմակերպությունը պետք է ապահովված լինի մարդու կյանքի և առողջության, ինչպես նաև շրջակա միջավայրի պահպանման համար անհրաժեշտ, վտանգավոր մթնոլորտային արտանետումների, քիմիական թափոնների և այլ կեղտաջրերի մաքրման կայաններով և սարքավորումներով:

Հայաստանի Հանրապետության
կառավարության աշխատակազմի
ղեկավար-նախարար		 Մ. Թոփուզյան