ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԱՄՐԱՑՄԱՆ ԵՆԹԱԿԱ ԵՎ ՍԱՀՄԱՆՎԱԾ ԿԱՐԳՈՎ ՎԹԱՐԱՅԻՆ ՃԱՆԱՉՎԱԾ ԲՆԱԿԵԼԻ ՏՆԵՐԻ ԲՆԱԿԱՐԱՆՆԵՐԻ ՍԵՓԱԿԱՆԱՇՆՈՐՀՄԱՆ ԹՈՒՅԼՏՎՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 դեկտեմբերի 1993 թվականի N 658

քաղ. Երևան

ԱՄՐԱՑՄԱՆ ԵՆԹԱԿԱ ԵՎ ՍԱՀՄԱՆՎԱԾ ԿԱՐԳՈՎ ՎԹԱՐԱՅԻՆ ՃԱՆԱՉՎԱԾ ԲՆԱԿԵԼԻ ՏՆԵՐԻ ԲՆԱԿԱՐԱՆՆԵՐԻ ՍԵՓԱԿԱՆԱՇՆՈՐՀՄԱՆ ԹՈՒՅԼՏՎՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության Գերագույն խորհրդին 1993 թվականի հունիսի 23-ի «Հայաստանի Հանրապետության պետական և հանրային բնակֆոնդի սեփականաշնորհման մասին» Հայաստանի Հանրապետության օրենքի կիրարկման կարգի մասին» որոշման, Հայաստանի Հանրապետության կառավարությունը որոշում է`

Հաստատել ամրացման ենթակա և սահմանված կարգով վթարային ճանաչված բնակելի տների բնակարանների սեփականաշնորհման թույլտվության կարգը (կցվում է):

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՍՏԱՏՎԱԾ Է ՀՀ կառավարության 1993 թ. դեկտեմբերի 29-ի N 658 որոշմամբ

Կ Ա Ր Գ

ԱՄՐԱՑՄԱՆ ԵՆԹԱԿԱ ԵՎ ՍԱՀՄԱՆՎԱԾ ԿԱՐԳՈՎ ՎԹԱՐԱՅԻՆ ՃԱՆԱՉՎԱԾ ԲՆԱԿԵԼԻ ՏՆԵՐԻ ԲՆԱԿԱՐԱՆՆԵՐԻ ՍԵՓԱԿԱՆԱՇՆՈՐՀՄԱՆ ԹՈՒՅԼՏՎՈՒԹՅԱՆ

1. Քանդման, ամրացման ենթակա և սահմանված կարգով վթարային ճանաչված բնակելի տների ցանկն ու վնասվածության աստիճանը սահմանում են պատգամավորների տեղական խորհուրդների գործադիր կոմիտեները` Հայաստանի Հանրապետության ճարտարապետության և քաղաքաշինության պետական վարչության համապատասխան եզրակացությունների հիման վրա:

2. 1-ին և 3-րդ աստիճանի վնասվածություն ունեցող բնակելի տների բնակարանները սեփականաշնորհվում են Հայաստանի Հանրապետության օրենսդրությամբ նախատեսված ընդհանուր հիմունքներով:

Նշված դեպքերում քաղաքացիներին տրվող բնակարանների սեփականության վկայագրերում նշումներ են կատարվում բնակելի տան թերությունների վերաբերյալ, որոնք ենթակա են վերացման սեփականատերերի հաշվին:

3. 3-րդ աստիճանի վնասվածություն ունեցող բնակելի տների բնակարանները կարող են սեփականաշնորհվել միայն համապատասխան ամրացման աշխատանքները կատարելուց հետո` անկախ նշված աշխատանքների ավարտման ժամկետից:

3-րդ աստիճանի վնասվածություն ունեցող բնակելի տների ամրացման ժամկետները սահմանվում են կապիտալ շինարարության տարեկան պետական պատվերով:

Նշված աշխատանքները կարող են կատարվել նաև բնակիչների միջոցների հաշվին, նրանց համաձայնության դեպքում` պայմանագրային հիմունքներով:

4. 4-րդ աստիճանի վնասվածություն ունեցող (քանդման ենթակա) բնակելի տների բնակարանները սեփականաշնորհման ենթակա չեն: