Basic information
Number
N 145
Type
Որոշում
Act type
Հիմնական ակտ (05.03.1998-11.11.1998)
Status
Գործում է
Source
ՀՀՊՏ 2003.05.14/27(262)
Enactment organisation
ՀՀ կառավարություն
Enactment date
05.03.1998
Signing organisation
ՀՀ վարչապետ
Signing date
05.03.1998
Ratification organisation
ՀՀ Նախագահի պաշտոնակատար
Ratification date
05.03.1998
Effective date
05.03.1998

040.0145.05.03.98

«Վավերացնում եմ»
Հայաստանի Հանրապետության
Նախագահի պաշտոնակատար Ռ. Քոչարյան
5 մարտի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

5 մարտի 1998 թվականի N 145
քաղ. Երևան

 

«ՇԻՐԱԿՇԻՆ» ՊՁ-Ի, «ԵՐԿԱԹԲԵՏՈՆԵ ԻՐԵՐԻ ԳՈՐԾԱՐԱՆ» ՓԲԸ-Ի, «ԳՅՈՒՄՐԻԻ ՀՅՈՒՐԱՆՈՑԱՅԻՆ ՏՆՏԵՍՈՒԹՅՈՒՆ» ՊՁ-Ի ԿԱԶՄԻՑ ԳՈՒՅՔ ԱՌԱՆՁՆԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՀՈՒԼԻՍԻ 10-Ի N 261 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության քաղաքաշինության նախարարության «Շիրակշին» պետական ձեռնարկության կազմից առանձնացնել մարզահամալիրը և այն Հայաստանի Հանրապետության օրենսդրությամբ սահմանված կարգով հանձնել Շիրակի մարզպետարանի տնօրինությանը` մարզական կենտրոնին տրամադրելու համար:

2. Հայաստանի Հանրապետության քաղաքաշինության նախարարության Ախուրյանի գյուղշինտրեստի «Երկաթբետոնե իրերի գործարան» փակ բաժնետիրական ընկերության կազմից առանձնացնել վարչական մասնաշենքը և այն Հայաստանի Հանրապետության օրենսդրությամբ սահմանված կարգով հանձնել Շիրակի մարզպետարանի տնօրինությանը` հակատուբերկուլյոզային դիսպանսերին տրամադրելու համար:

3. Հայաստանի Հանրապետության քաղաքաշինության նախարարության «Գյումրիի հյուրանոցային տնտեսություն» պետական ձեռնարկության կազմից առանձնացնել «Կումայրի» հյուրանոցը և այն Հայաստանի Հանրապետության օրենսդրությամբ սահմանված կարգով հանձնել Շիրակի մարզպետարանի տնօրինությանը` քաղաքային և սոցիալական ապահովության ծառայություններին տրամադրելու համար:

4. Հայաստանի Հանրապետության կառավարության 1997 թվականի հուլիսի 10-ի «Գյումրիի տեքստիլ» փակ բաժնետիրական ընկերության պետական բաժնեմասը միջազգային մրցույթով սեփականաշնորհելու մասին» N 261 որոշման մեջ կատարել հետևյալ լրացումը`

որոշումը 2-րդ կետից հետո լրացնել հետևյալ բովանդակությամբ նոր` 3-րդ կետով.

«3. «Գյումրիի տեքստիլ» փակ բաժնետիրական ընկերության կազմից առանձնացնել մանկապարտեզը (Գարեգին Նժդեհի 12 ա) և այն Հայաստանի Հանրապետության օրենսդրությամբ սահմանված կարգով հանձնել Շիրակի մարզպետարանի տնօրինությանը` Գյումրիի N 2 դպրոցին տրամադրելու համար»:

Այդ կապակցությամբ որոշման 3-15-րդ կետերը համապատասխանաբար համարել 4-16-րդ կետեր:

5. Սույն որոշումն ուժի մեջ է մտնում 1998 թվականի մարտի 5-ից:

 

Հայաստանի Հանրապետության վարչապետ

 Ռ. Քոչարյան

Change History
Changing Act Corresponding incorporation
11.11.1998, N 698 11.11.1998, N 145
Changed acts
Changing Act Corresponding incorporation