Basic information
Number
N 271
Type
Որոշում
Act type
Հիմնական ակտ (09.06.1998-17.07.2003)
Status
Չի գործում
Source
ՀՀՊՏ 2004.06.30/35(334)
Enactment organisation
ՀՀ կառավարություն
Enactment date
06.05.1998
Signing organisation
ՀՀ վարչապետ
Signing date
06.05.1998
Ratification organisation
ՀՀ Նախագահ
Ratification date
06.05.1998
Effective date
09.06.1998
Interrupt date
17.07.2003

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
6 մայիսի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

6 մայիսի 1998 թվականի N 271
քաղ. Երևան

 

ԳՈՒՅՔԱՀԱՐԿԻ ԳԾՈՎ ԲՅՈՒՋԵՏԱՅԻՆ ԵԿԱՄՈՒՏՆԵՐԻ ՄՈՒՏՔԵՐՆ ԱՊԱՀՈՎԵԼՈՒ ԿԱՐԳԻ ՄԱՍԻՆ

 

«Գույքահարկի մասին» Հայաստանի Հանրապետության օրենքի 19 հոդվածին համապատասխան Հայաստանի Հանրապետության կառավարությունը որոշում է.

1. Սահմանել, որ`

ա) ֆիզիկական անձանց` Հայաստանի Հանրապետության համայնքների վարչական տարածքներից դուրս գտնվող, ինչպես նաև իրավաբանական անձանց` գույքահարկով հարկվող օբյեկտ համարվող գույքի համար գույքահարկի գծով բյուջետային եկամուտների մուտքերն ապահովում են Հայաստանի Հանրապետության հարկային տեսչության մարմինները.

բ) Ֆիզիկական անձանց` Հայաստանի Հանրապետության համայնքների վարչական տարածքներում գտնվող գույքահարկով հարկվող օբյեկտ համարվող գույքի համար գույքահարկի գծով բյուջետային եկամուտների մուտքերն ապահովելու նպատակով Հայաստանի Հանրապետության տեղական ինքնակառավարման մարմինները կազմակերպում են գույքահարկի վճարումների կատարումը և իրականացնում գույքահարկի գծով համայնքի բյուջեի մուտքերի հաշվառումը` Հայաստանի Հանրապետության հարկային տեսչության կողմից ընդունված ու Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության տարածքային կառավարման նախարարի հետ համաձայնեցված գերատեսչական նորմատիվ ակտերին համապատասխան:

2. Հայաստանի Հանրապետության հարկային տեսչությանը` մեկամսյա ժամկետում ընդունել սույն որոշման 1-ին կետի «բ» ենթակետում նշված գերատեսչական նորմատիվ ակտերը:

 

Հայաստանի Հանրապետության
վարչապետ

 Ա. Դարբինյան