Basic information
Number
N 1419-Ն
Type
Որոշում
Act type
Հիմնական ակտ (29.10.2011-մինչ օրս)
Status
Գործում է
Source
ՀՀԳՏ 2011.10.24/24(407).1 Հոդ.1455
Enactment organisation
ՀՀ կառավարություն
Enactment date
06.10.2011
Signing organisation
ՀՀ վարչապետ
Signing date
11.10.2011
Effective date
29.10.2011

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

6 հոկտեմբերի 2011 թվականի N 1419-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆԻՍԻ 26-Ի N 822-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին մասով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2003 թվականի հունիսի 26-ի «Հայաստանի Հանրապետության կառավարությանն առընթեր պետական գույքի կառավարման վարչության կանոնադրությունն ու աշխատակազմի կառուցվածքը հաստատելու և Հայաստանի Հանրապետության կառավարության 2002 թվականի օգոստոսի 1-ի N 1298-Ն որոշումն ուժը կորցրած ճանաչելու մասին» N 822-Ն որոշման N 2 հավելվածում կատարել հետևյալ փոփոխություններն ու լրացումը՝

1) պետական գույքի կառավարման քաղաքականության վարչությունը, պայմանագրային պարտավորությունների կատարման վերահսկման վարչությունն ու հաշվապահական հաշվառման և ֆինանսատնտեսական վարչությունը միաձուլել և բաժանման ձևով վերակազմակերպել պետական գույքի կառավարման քաղաքականության վարչության, պետական գույքի տնօրինման վարչության, հաշվապահական հաշվառման և ֆինանսատնտեսական վարչության և պայմանագրային պարտավորությունների հսկողության բաժնի.

2) ստեղծել ներքին աուդիտի բաժին։

2. Այդ կապակցությամբ որոշման N 2 հավելվածը շարադրել նոր խմբագրությամբ՝ համաձայն հավելվածի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

 

Հայաստանի Հանրապետության
վարչապետ

 Տ. Սարգսյան


2011 թ. հոկտեմբերի 11
Երևան

  
 

 

Հավելված

 ՀՀ կառավարության 2011 թվականի

հոկտեմբերի 6-ի N 1419-Ն որոշման

 

«Հավելված N 2

ՀՀ կառավարության 2003 թվականի

հունիսի 26-ի N 822-Ն որոշման

Կ Ա Ռ ՈՒ Ց Վ Ա Ծ Ք

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ԱՇԽԱՏԱԿԱԶՄԻ

 

ԿԱՌՈՒՑՎԱԾՔԱՅԻՆ ՍՏՈՐԱԲԱԺԱՆՈՒՄՆԵՐ

 

Իրավաբանական վարչություն

 

Պետական գույքի կառավարման քաղաքականության վարչություն

 

Պետական բաժնեմասի կառավարման վարչություն

 

Պետական գույքի տնօրինման վարչություն

 

Հաշվապահական հաշվառման և ֆինանսատնտեսական վարչություն

 

Քարտուղարություն

 

Անձնակազմի կառավարման բաժին

 

Առաջին բաժին

 

Պայմանագրային պարտավորությունների հսկողության բաժին

 

Ներքին աուդիտի բաժին»։

 

Հայաստանի Հանրապետության

կառավարության աշխատակազմի

ղեկավար

 Դ. Սարգսյան

Change History
Changing Act Corresponding incorporation
Changed acts
Changing Act Corresponding incorporation