Basic information
Number
N 651-Ա
Type
Որոշում
Act type
Ինկորպորացիա (22.10.2013-17.07.2019)
Status
Չի գործում
Source
Չի հրապարակվել պաշտոնական պարբերականում
Enactment organisation
ՀՀ վարչապետ
Enactment date
17.08.2010
Signing organisation
ՀՀ վարչապետ
Signing date
17.08.2010
Effective date
18.08.2010
Interrupt date
17.07.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 

Ո Ր Ո Շ ՈՒ Մ

 

17 օգոստոսի 2010 թվականի N 651-Ա

 

ԱՐՏԱԿԱՐԳ ԻՐԱՎԻՃԱԿՆԵՐԻՆ ԱՐՁԱԳԱՆՔՈՂ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

 

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետի`

 1. Աղետների ռիսկերի նվազեցման, հնարավոր արտակարգ իրավիճակների կանխարգելման, հետևանքների նվազեցման և վերացման միջոցառումները համակարգված ու օպերատիվ ապահովելու նպատակով ստեղծել արտակարգ իրավիճակներին արձագանքող հանձնաժողով և հաստատել դրա կազմը` համաձայն հավելվածի:

2. Հանձնաժողովի նախագահին`

1) սույն որոշումն ուժի մեջ մտնելուց հետո մեկամսյա ժամկետում հաստատել արտակարգ իրավիճակներին արձագանքող հանձնաժողովի աշխատակարգը.

2) անհրաժեշտության դեպքում արտակարգ իրավիճակներին արձագանքող հանձնաժողովի աշխատանքներում ներգրավել այլ պետական մարմինների, տեղական ինքնակառավարման մարմինների և կազմակերպությունների (համաձայնությամբ) ներկայացուցիչների.

3) մինչև յուրաքանչյուր եռամսյակի ավարտին հաջորդող ամսվա 10-ը Հայաստանի Հանրապետության վարչապետին տրամադրել տեղեկատվություն հնարավոր արտակարգ իրավիճակների առաջացման, արտակարգ իրավիճակների հետևանքների նվազեցման և վերացման ուղղությամբ իրականացված աշխատանքների մասին:

 

Հայաստանի Հանրապետության
վարչապետ

 Տ. Սարգսյան


2010 թ. օգոստոսի 17
Երևան

  

 

 Հավելված
 ՀՀ վարչապետի 2010 թ.
օգոստոսի 17-ի N 651-Ա
 որոշման

Կ Ա Զ Մ

 

ԱՐՏԱԿԱՐԳ ԻՐԱՎԻՃԱԿՆԵՐԻՆ ԱՐՁԱԳԱՆՔՈՂ ՀԱՆՁՆԱԺՈՂՈՎԻ

Ա. Երիցյան

- ՀՀ արտակարգ իրավիճակների նախարար (հանձնաժողովի նախագահ)

   

Գ. Ղամարյան

-ՀՀ գյուղատնտեսության նախարարության աշխատակազմի առաջին բաժնի պետ

   

Ա. Հովակիմյան

- ՀՀ արտաքին գործերի նախարարի տեղակալ

   

Ա. Կարապետյան

- ՀՀ քաղաքաշինության նախարարի տեղակալ

   

Վ. Պողոսյան

- ՀՀ առողջապահության նախարարի տեղակալ

   

Ա. Ալեքսանյան

- ՀՀ տրանսպորտի և կապի նախարարի տեղակալ

   

Ս. Աֆյան

- ՀՀ կառավարությանն առընթեր ՀՀ ոստիկանության պետի տեղակալ

   

Ա. Հովհաննիսյան

- ՀՀ կառավարությանն առընթեր միջուկային անվտանգության կարգավորման պետական կոմիտեի նախագահի առաջին տեղակալ

   

Հ. Բաղմանյան

- ՀՀ պաշտպանության նախարարության գլխավոր շտաբի պետի տեղակալ

   

Կ. Պապոյան

- ՀՀ բնապահպանության նախարարի օգնական

   

Մ. Երանոսյան

- ՀՀ ֆինանսների նախարարի խորհրդական

(հավելվածը փոփ. 21.10.13 N 957-Ա)

 

Հայաստանի Հանրապետության

կառավարության աշխատակազմի

ղեկավար

 Դ. Սարգսյան

 

Change History
Changing Act Corresponding incorporation
16.07.2019, N 934-Ա 17.07.2019, N 651-Ա
21.10.2013, N 957-Ա 22.10.2013, N 651-Ա
Changed acts
Changing Act Corresponding incorporation