Basic information
Number
N 768
Type
Որոշում
Act type
Հիմնական ակտ (28.09.2001-մինչ օրս)
Status
Գործում է
Source
ՀՀՊՏ 2001.09.18/30(162) Հոդ.683
Enactment organisation
ՀՀ կառավարություն
Enactment date
25.08.2001
Signing organisation
ՀՀ վարչապետ
Signing date
25.08.2001
Ratification organisation
ՀՀ Նախագահ
Ratification date
25.08.2001
Effective date
28.09.2001

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

25 օգոստոսի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

25 օգոստոսի 2001 թվականի N 768

քաղ. Երևան

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՆՈՅԵՄԲԵՐԻ 27-Ի N 780 ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

Հայաստանի Հանրապետության կառավարության 2000 թվականի նոյեմբերի 27-ի «Մասնավորեցվող պետական գույքի գնահատման մեթոդների ընտրության կարգը հաստատելու մասին» N 780 որոշման մեջ կատարել հետևյալ լրացումը և փոփոխությունները`

որոշմամբ հաստատված կարգի`

ա) 5-րդ կետի`

«բ» ենթակետը «պարտավորությունները» բառից հետո լրացնել «գնահատման պահի դրությամբ» բառերով,

«գ» ենթակետը շարադրել հետևյալ խմբագրությամբ.

«գ) վերջին 4 եռամսյակի ընթացքում ընկերության արտադրանքի (մատուցված ծառայությունների) արտահանման ծավալը»,

«դ» ենթակետը շարադրել հետևյալ խմբագրությամբ.

«դ) վերջին 8 եռամսյակի ընթացքում արտադրված արտադրանքի (մատուցված ծառայությունների) ծավալը»,

«ե» ենթակետը շարադրել հետևյալ խմբագրությամբ.

«ե) վերջին 8 եռամսյակի ընթացքում իրացված արտադրանքի (մատուցված ծառայությունների) ծավալը»,

«զ» ենթակետում «2 տարվա» բառերը փոխարինել «8 եռամսյակի» բառերով,

«է» ենթակետը շարադրել հետևյալ խմբագրությամբ.

«է) վերջին 8 եռամսյակի ընթացքում ընկերության ակտիվների միջին հաշվեկշռային արժեքը».

բ) 6-րդ կետի`

«բ» ենթակետը շարադրել հետևյալ խմբագրությամբ.

«բ) ընկերության շահութաբերության մակարդակը (որը հաշվարկվում է ընկերության վերջին երկու հաշվետու տարվա ընթացքում միջին զուտ շահույթը հարաբերելով վերջին 8 եռամսյակի ընթացքում ակտիվների միջին հաշվեկշռային արժեքին) կազմել է առնվազն 3 տոկոս»,

«դ» ենթակետը շարադրել հետևյալ խմբագրությամբ.

«դ) վերջին 4 եռամսյակի ընթացքում ընկերության արտադրանքի իրացման ծավալը նույն ժամանակահատվածում արտադրված պատրաստի արտադրանքի 60 տոկոսից ավելի է»,

«ե» ենթակետը շարադրել հետևյալ խմբագրությամբ.

«ե) գնահատման պահին նախորդող 8 եռամսյակի արդյունքներով վերջին 4 եռամսյակի ընթացքում տեղի է ունեցել իրացման ծավալի առնվազն 5 տոկոս աճ, որը հաշվարկվում է գնահատման պահին նախորդող 4 եռամսյակի ընթացքում իրացված արտադրանքի (մատուցված ծառայությունների) արժեքը հարաբերելով այդ ամիսներին նախորդող 8 եռամսյակի նույն ցուցանիշին»,

«զ» ենթակետը շարադրել հետևյալ խմբագրությամբ.

«զ) վերջին 8 եռամսյակի ընթացքում արտահանված արտադրանքի առնվազն 95 տոկոսն իրացվել է»:

 

Հայաստանի Հանրապետության
վարչապետ

 Ա. Մարգարյան