Basic information
Number
N 1489-Ն
Type
Որոշում
Act type
Исходный акт (28.12.2015-25.05.2025)
Status
Չի գործում
Source
ՀՀՊՏ 2015.12.18/85(1174).1 Հոդ.1108.16
Enactment organisation
ՀՀ կառավարություն
Enactment date
17.12.2015
Signing organisation
ՀՀ վարչապետ
Signing date
17.12.2015
Effective date
28.12.2015
Interrupt date
25.05.2025

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

17 դեկտեմբերի 2015 թվականի N 1489-Ն

 

ԱՊՐԱՆՔՆԵՐԻ ՆՇԱՆԱԿՄԱՆ ՎԱՅՐԵՐԻ ՓՈՓՈԽՈՒԹՅԱՆ ԴԵՊՔԵՐԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Մաքսային կարգավորման մասին» Հայաստանի Հանրապետության օրենքի 184-րդ հոդվածի 3-րդ մասը՝ Հայաստանի Հանրապետության կառավարությունը որոշում է.

1. Սահմանել, որ «Մաքսային տարանցում» մաքսային ընթացակարգով տեղափոխվող ապրանքների նշանակման վայրը կարող է փոփոխվել հետևյալ դեպքերում՝

1) «Մաքսային տարանցում» մաքսային ընթացակարգով տեղափոխվող ապրանքների նկատմամբ մաքսային հսկողության որոշակի ձևի (ձևերի) կիրառման անհրաժեշտության դեպքում, երբ ուղարկող մաքսային մարմնում կամ ապրանքների նշանակման՝ հայտարարատուի կողմից հայտարարագրված վայրում բացակայում են մաքսային հսկողության նշված ձևի (ձևերի) կիրառման համար անհրաժեշտ պայմաններ.

2) «Մաքսային տարանցում» մաքսային ընթացակարգով տեղափոխվող ապրանքների նկատմամբ լիազորություններ ունեցող անձանց դիմումի հիման վրա.

3) լիազորված տնտեսական օպերատորների կողմից «Մաքսային տարանցում» մաքսային ընթացակարգով ապրանքների տեղափոխման դեպքում.

4) մաքսային մարմինների կողմից ռիսկերի կառավարման համակարգի կիրառմամբ որոշված դեպքերում:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Հայաստանի Հանրապետության
վարչապետ

 Հ. Աբրահամյան


2015 թ. դեկտեմբերի 17
Երևան