Basic information
Number
N 650-Ն
Type
Որոշում
Act type
Исходный акт (05.11.2022-по сей день)
Status
Գործում է
Source
Միասնական կայք 2022.10.17-2022.10.30 Պաշտոնական հրապարակման օրը 26.10.2022
Enactment organisation
Երևան քաղաքի ավագանի
Enactment date
18.10.2022
Signing organisation
Երևանի քաղաքապետի առաջին տեղակալ, Երևանի քաղաքապետի պաշտոնակատար
Signing date
19.10.2022
Effective date
05.11.2022

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

 

ԵՐԵՎԱՆ ՔԱՂԱՔԻ ԱՎԱԳԱՆԻ

 

18 հոկտեմբերի 2022 թ.

 N 650-Ն

 

Ո Ր Ո Շ ՈՒ Մ

 

ԵՐԵՎԱՆ ՔԱՂԱՔԻ ԱՎԱԳԱՆՈՒ 2009 ԹՎԱԿԱՆԻ ԴԵԿՏԵՄԲԵՐԻ 2-Ի N 48-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով`

Երևան քաղաքի ավագանին որոշում է.

1. Երևան քաղաքի ավագանու 2009 թվականի դեկտեմբերի 2-ի «Երևան քաղաքի վարչական սահմաններում գտնվող անշարժ գույքի սեփականատիրոջ կամ տիրապետողի` իր տիրապետման տակ գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգը սահմանելու մասին» N 48-Ն որոշման 1-ին կետով սահմանված հավելվածում կատարել հետևյալ լրացումը.

1) 13-րդ կետում լրացնել նոր 3-րդ ենթակետ՝ հետևյալ բովանդակությամբ.

«3) Կիսանկուղային և նկուղային հարկերում գտնվող ոչ բնակելի նշանակության տարածքների մուտքերի աստիճաններին կից հատվածներում (աստիճանների բացվածքի եզրերին) անցորդների անվտանգությունը ապահովելու նպատակով պետք է տեղադրվեն (կառուցվեն) մայթի նիշից 60-90 սմ բարձրությամբ թեթև կոնստրուկցիաներով ճարտարապետական կառուցվածքներ: Կիսանկուղային և նկուղային հարկերում գտնվող ոչ բնակելի նշանակության տարածքների մուտքերը սույն կարգի 5-րդ կետի 3-րդ ենթակետի համաձայն պետք է ապահովված լինեն անհրաժեշտ լուսավորությամբ:»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: Կիսանկուղային և նկուղային հարկերում գտնվող ոչ բնակելի նշանակության տարածքների սեփականատերերը կամ տիրապետողները սույն որոշման 1-ին կետով նախատեսված պահանջներին համապատասխանող թեթև կոնստրուկցիաներով ճարտարապետական կառուցվածքների տեղադրումը (կառուցումը) պետք է ապահովեն մինչև 2023 թվականի հունիսի 1-ը: Սույն որոշման 1-ին կետի 1-ին ենթակետով Երևան քաղաքի ավագանու 2009 թվականի դեկտեմբերի 2-ի N 48-Ն որոշման հավելվածի 13-րդ կետում լրացվող նոր 3-րդ ենթակետի առաջին նախադասությամբ սահմանված պահանջները չեն տարածվում այն կիսանկուղային և նկուղային հարկերում գտնվող ոչ բնակելի նշանակության տարածքների սեփականատերերի կամ տիրապետողների վրա, որոնք մինչև սույն որոշումն ուժի մեջ մտնելը արդեն իսկ տեղադրել (կառուցել) են անցորդների անվտանգությունը ապահովող միջոցներ (60-90 սմ բարձրությամբ):

 

ԵՐևԱՆԻ ՔԱՂԱՔԱՊԵՏի առաջին տեղակալ,

Երևանի քաղաքապետի պաշտոնակատար

Լ. Հովհաննիսյան

 

2022 թ. հոկտեմբերի 19

Երևան

 

Պաշտոնական հրապարակման օրը՝ 26 հոկտեմբերի 2022 թվական:

Change History
Changing Act Corresponding incorporation
Changed acts
Changing Act Corresponding incorporation