ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Հ Ա Ն Ձ Ն Ա Ր Ա Ր Ա Կ Ա Ն

11 օգոստոսի 2020 թվականի

թիվ 13

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻ ՊԱՐԶԱԲԱՆՈՒՄՆԵՐԻ VI ՀԱՏՈՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական հանձնաժողովի կոլեգիան՝ Եվրասիական տնտեսական միության մաքսային օրենսգրքի 19-րդ հոդվածին համապատասխան,

հանձնարարում է Եվրասիական տնտեսական միության անդամ պետություններին՝ Եվրասիական տնտեսական հանձնաժողովի խորհրդի 2020 թվականի սեպտեմբերի 11-ի «Սկզբնական ձևերով էթիլենի պոլիմերների առանձին տեսակների նկատմամբ Եվրասիական տնտեսական միության արտաքին տնտեսական գործունեության միասնական ապրանքային անվանացանկում և Եվրասիական տնտեսական միության միասնական մաքսային սակագնի մեջ, ինչպես նաև այն զգայուն ապրանքների ցանկում փոփոխություններ կատարելու մասին, որոնց մասով ներմուծման մաքսատուրքի դրույքաչափի փոփոխության մասին որոշումն ընդունվում է Եվրասիական տնտեսական հանձնաժողովի խորհրդի կողմից» թիվ 84 որոշումն ուժի մեջ մտնելու օրվանից՝

կիրառել Եվրասիական տնտեսական միության արտաքին տնտեսական գործունեության միասնական ապրանքային անվանացանկի պարզաբանումները (Եվրասիական տնտեսական հանձնաժողովի կոլեգիայի 2017 թվականի նոյեմբերի 7-ի թիվ 21 հանձնարարականի թիվ 1 հավելված)՝ հաշվի առնելով փոփոխությունները՝ համաձայն հավելվածի:

Եվրասիական տնտեսական հանձնաժողովի կոլեգիայի նախագահ`

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2020 թվականի օգոստոսի 11-ի  թիվ 13 հանձնարարականի

ՓՈՓՈԽՈՒԹՅՈՒՆՆԵՐ

Եվրասիական տնտեսական միության արտաքին տնտեսական գործունեության միասնական ապրանքային անվանացանկի պարզաբանումների VI հատորում կատարվող

39-րդ խմբում՝

ա) Եվրասիական տնտեսական միության լրացուցիչ ծանոթագրությունը շարադրել հետևյալ խմբագրությամբ՝

«Եվրասիական տնտեսական միության լրացուցիչ ծանոթագրություններ.

1. 3901 40 000 1 ստորաենթադիրքում ներառվում են էթիլեն-ալֆա-օլեֆինային համապոլիմերները՝ 0,94-ից պակաս տեսակարար կշռով՝ պայմանով, որ դրանք ունեն հետևյալ բնութագրերից մեկը կամ մի քանիսը՝

- պարունակում են սոմոնոմեր օկտեն-1.

- ունեն 0,916-ից պակաս տեսակարար կշիռ.

- ունեն 120 °С-ից պակաս հալման ջերմաստիճան։

2. 3904 10 000 1 ստորաենթադիրքում՝

«պոլիվինիլքլորիդային էմուլսիոն խեժեր» եզրույթը նշանակում է էմուլսիոն եղանակով պոլիմերացման ժամանակ ստացված պոլիվինիլքլորիդային խեժեր, որոնց սկզբնական մասնիկների չափսը կազմում է 0,1-3 մկմ.

«պոլիվինիլքլորիդային միկրոկախույթային խեժեր» եզրույթը նշանակում է միկրոկախույթային եղանակով պոլիմերացման ժամանակ ստացված պոլիվինիլքլորիդային խեժեր, որոնց սկզբնական մասնիկների չափսը կազմում է 0,1-3 մկմ.

«պոլիվինիլքլորիդլցանյութային խեժեր» եզրույթը նշանակում է կախույթային եղանակով պոլիմերացման ժամանակ ստացված պոլիվինիլքլորիդային խեժեր, որոնց մասնիկների չափսը կազմում է 20-50 մկմ:».

բ) ԵԱՏՄ ԱՏԳ ԱԱ 3901 40 000 0* ենթադիրքի պարզաբանումները հանել։