«Վավերացնում եմ»
Հայաստանի Հանրապետության
Նախագահ Ռ. Քոչարյան
20 մայիսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
20 ապրիլի 2006 թվականի N 617-Ա
ԵՐԵՎԱՆԻ ԿԵՆԴԱՆԱԲԱՆԱԿԱՆ ԱՅԳՈՒՆ 2006 ԹՎԱԿԱՆԻ ԸՆԹԱՑՔՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՐՄԻՐ ԳՐՔՈՒՄ ԳՐԱՆՑՎԱԾ ԿԵՆԴԱՆԻՆԵՐԻ ՀԱՎԱՔԻ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Համաձայն «Կենդանական աշխարհի մասին» Հայաստանի Հանրապետության օրենքի 27-րդ հոդվածի և հաշվի առնելով Երևանի կենդանաբանական այգուն Հայաստանի Հանրապետության Կարմիր գրքում գրանցված կենդանիների հավաքի թույլտվություն տալու վերաբերյալ Հայաստանի Հանրապետության բնապահպանության նախարարության դրական եզրակացությունը` Հայաստանի Հանրապետության կառավարությունը որոշում է.
1. Թույլատրել Երևանի կենդանաբանական այգուն կենդանիների կենդանի հավաքածուն համալրելու և անազատ պայմաններում դրանց վերարտադրությունն ապահովելու նպատակով 2006 թվականի ընթացքում Հայաստանի Հանրապետության տարածքից, բացառությամբ բնության հատուկ պահպանվող տարածքների, իրականացնել հետևյալ կենդանիների հավաք` ըստ նշված քանակների`
լայնականջ ոզնի` մեկ արու, մեկ էգ.հնդկական վայրենակերպ կամ մացառախոզ` մեկ արու, մեկ էգ.կովկասյան անտառակատու` մեկ արու, մեկ էգ.մանուլ` մեկ արու, մեկ էգ.բեզոարյան այծ` մեկ արու, մեկ էգ.հայկական մուֆլոն` մեկ արու, մեկ էգ.եվրոպական տափաստանային արծիվ` մեկ արու, մեկ էգ.սովորական սպիտակապոչ արծիվ` մեկ արու, մեկ էգ.նախասիական մորուքավոր արծիվ` մեկ արու, մեկ էգ.սև անգղ` մեկ արու, մեկ էգ.սովորական սպիտակագլուխ անգղ` մեկ արու, մեկ էգ.կասպիական հնդկահավ` մեկ արու, մեկ էգ.միջերկրածովային կրիա` մեկ արու, մեկ էգ.անդրկովկասյան տակիրային կլորագլուխ` մեկ արու, մեկ էգ.երկարոտ սցինկ` մեկ արու, մեկ էգ.ոսկեգույն մաբույա` մեկ արու, մեկ էգ.անդրկովկասյան սահնօձ` մեկ արու, մեկ էգ.կովկասյան կատվաօձ` մեկ արու, մեկ էգ.հայկական իժ` մեկ արու, մեկ էգ:2. Հայաստանի Հանրապետության գյուղատնտեսության նախարարին` սույն որոշման 1-ին կետով սահմանված թռչնատեսակների հավաքի դեպքում ապահովել թռչնագրիպի նկատմամբ դրանց անվտանգությունը:
|
|
Ա. Մարգարյան |
|
2006 թ. մայիսի 17 |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|