ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

27 դեկտեմբերի 2008 թ.  ք. Երևան

N 1971-Ա

Հ Ր Ա Մ Ա Ն

«ԳՈՌ-ՄԱՐԱՏ» ՍՊԸ-Ի ԴԵՂԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ՎԵՐԱԿԱՆԳՆԵԼՈՒ ՄԱՍԻՆ

Հիմք ընդունելով «Լիցենզավորման մասին» ՀՀ օրենքի 34-րդ հոդվածը, ՀՀ առողջապահության նախարարի 2008 թ. սեպտեմբերի 30-ի N 1382-Ա հրամանը, ՀՀ առողջապահության նախարարության աշխատակազմի պետական հիգիենիկ և հակահամաճարակային տեսչության պետի 2008 թ. դեկտեմբերի 3-ի N 04-1138/22 գրությունը, 23 հոկտեմբերի 2008 թվականի դիմումը, հաշվի առնելով, որ 2008 թվականի ապրիլի 29-ի թիվ 0914/13 հանձնարարագրով ստուգման ժամանակ հայտնաբերված խախտումները վերացվել են և այդպիսով վերացել են լիցենզիայի կասեցման հիմքերը.

Հրամայում եմ`

1. Վերականգնել «Գոռ-Մարատ» ՍՊԸ-ի 10 հոկտեմբերի 2008 թվականի N 1449-Ա հրամանով կասեցված լիցենզիայի գործողությունը։

2. Թույլատրել «Գոռ-Մարատ» ՍՊԸ Կ-XX-000168 լիցենզիայի հիման վրա վերսկսել դեղատնային գործունեության (դեղատնային կրպակ) գործունեությունը։

3. ՀՀ ԱՆ լիցենզավորման բաժնի պետ Մ. Ղազարյանին՝

3.1 Եռօրյա ժամկետում ապահովել սույն հրամանի առաքումը դիմողին, ՀՀ կառավարությանն առընթեր պետական եկամուտների կոմիտե և գերատեսչական նորմատիվ ակտերը հրապարակող մարմին։

4. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին։

Նախարար

Հ. Քուշկյան