ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 հուլիսի 1995 թվականի N 452
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԱՐՏԱՀԱՆՎՈՂ ԱՊՐԱՆՔՆԵՐԻ ԾԱԳՄԱՆ ՍԵՐՏԻՖԻԿԱՏ ՏԱԼՈՒ ՄԱՍԻՆ
Ելնելով միջազգային պրակտիկայից և Հայաստանի Հանրապետությունում արտաքին առևտրական հարաբերությունների ոլորտում ապրանքների ծագման սերտիֆիկատի տրման գործընթացը կարգավորելու նպատակով Հայաստանի Հանրապետության կառավարությունը որոշում է`
Սահմանել, որ`
ա) Հայաստանի Հանրապետության մաքսային տարածքից ապրանքներ արտահանելիս, ապրանքների ծագման սերտիֆիկատը տրվում է Հայաստանի Հանրապետության առևտրաարդյունաբերական պալատի կողմից.
բ) ապրանքի ծագման սերտիֆիկատի տրման հետ կապված գանձվող վճարի չափը որոշվում է Հայաստանի Հանրապետության էկոնոմիկայի նախարարության կողմից` համաձայնեցնելով Հայաստանի Հանրապետության ֆինանսների նախարարության հետ.
գ) ապրանքի ծագման սերտիֆիկատի տրման ընդհանուր վերահսկողությունը դրվում է Հայաստանի Հանրապետության էկոնոմիկայի նախարարության վրա, առանձին դեպքերում իրավունք վերապահելով նրան ապրանքների ծագման սերտիֆիկատ տալը լիազորել այլ մարմնի:
|
Հայաստանի Հանրապետության վարչապետ |
Հ. ԲԱԳՐԱՏյան |
|
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ |
Ս. ՄԱՆԱՍԱՐՅԱՆ |
| Փոփոխող ակտ | Համապատասխան ինկորպորացիան | |
|---|---|---|
| 31.12.2000, N 895 | 01.01.2001, N 452 |
| Փոփոխող ակտ | Համապատասխան ինկորպորացիան |
|---|