Basic information
Number
N 292-Ն
Type
Որոշում
Act type
Официальная Инкорпорация (09.10.2014-по сей день)
Status
Գործում է
Source
ՀՀՊՏ 2006.04.05/19(474) Հոդ.384
Enactment organisation
ՀՀ կառավարություն
Enactment date
09.02.2006
Signing organisation
ՀՀ վարչապետ
Signing date
14.03.2006
Ratification organisation
ՀՀ Նախագահ
Ratification date
20.03.2006
Effective date
06.04.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
20 մարտի 2006 թ.


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 փետրվարի 2006 թվականի N 292-Ն

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԾԱՌԱՅՈՂՆԵՐԻՆ ԼՐԱՑՈՒՑԻՉ ԱՐՁԱԿՈՒՐԴԻ ԻՐԱՎՈՒՆՔ ՏՎՈՂ ՎՆԱՍԱԿԱՐ ԱՇԽԱՏԱՆՔՆԵՐԻ, ԾԱՌԱՅՈՒԹՅԱՆ ՀԱՏՈՒԿ ԵՎ ԱՅԼ ՊԱՅՄԱՆՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Փրկարար ծառայության մասին» Հայաստանի Հանրապետության օրենքի 52-րդ հոդվածի 3-րդ մասով` Հայաստանի Հանրապետության կառավարությունը որոշում է.

(նախաբանը փոփ. 25.09.14 N 1039-Ն)

1. Սահմանել փրկարարական ծառայության ծառայողներին լրացուցիչ արձակուրդի իրավունք տվող վնասակար աշխատանքների, ծառայության հատուկ և այլ պայմանների ցանկը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
 

Հայաստանի Հանրապետության
վարչապետ

 Ա. Մարգարյան


2006 թ. մարտի 14
Երևան

Հավելված
ՀՀ կառավարության 2006 թվականի
փետրվարի 9-ի N 292-Ն որոշման

Ց Ա Ն Կ

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԾԱՌԱՅՈՂՆԵՐԻՆ ԼՐԱՑՈՒՑԻՉ ԱՐՁԱԿՈՒՐԴԻ ԻՐԱՎՈՒՆՔ ՏՎՈՂ ՎՆԱՍԱԿԱՐ ԱՇԽԱՏԱՆՔՆԵՐԻ, ԾԱՌԱՅՈՒԹՅԱՆ ՀԱՏՈՒԿ ԵՎ ԱՅԼ ՊԱՅՄԱՆՆԵՐԻ

Փրկարարական ծառայության ծառայողներին տարեկան 10 օր տևողությամբ տրամադրվում է լրացուցիչ արձակուրդ ծառայության հետևյալ հատուկ պայմանների և վնասակար աշխատանքներ կատարելու դեպքում`

ա) սահմանված կարգով հայտարարված արտակարգ իրավիճակների պայմաններում ծառայությունը.

բ) մարտական գործողություններին մասնակցությունը, մարտական հերթապահության և հատուկ առաջադրանքի կատարումը.

գ) բարձր լեռնային շրջաններում (ծովի մակերևույթից 2000 մետր և ավելի բարձրություն) ծառայությունը.

դ) թունավոր նյութերի իոնացնող և ռադիացիոն ճառագայթման աղբյուրներին առնչվող ծառայությունը.

ե) թռիչքային անձնակազմում ծառայությունը.

զ) «Հայկական ատոմային էլեկտրակայան» փակ բաժնետիրական ընկերության պահպանության ծառայությունը.

է) ֆրեզագրեգատներին և օդամղիչներին առնչվող ծառայությունը.

ը) վթարային- վերականգնողական, փրկարարական ծառայությունը.

թ) ջրասուզակների ծառայությունը.

ժ) ազդանյութերի (ռեագենտներ) լուծազատմանն առնչվող ծառայությունը.

ժա) տեխնածին կամ բնական աղետների հետևանքների` ռադիոակտիվ, քիմիական, անասունների համաճարակների և կենսաբանական ախտահարման օջախների վերացմանն առնչվող ծառայությունը.

ժբ) հրդեհաշիջման աշխատանքներին առնչվող ծառայությունը:

Հայաստանի Հանրապետության
կառավարության աշխատակազմի
ղեկավար-նախարար		 Մ. Թոփուզյան

Change History
Changing Act Corresponding incorporation
25.09.2014, N 1039-Ն 09.10.2014, N 292-Ն
Changed acts
Changing Act Corresponding incorporation