«Գրանցված է»
ՀՀ արդարադատության
նախարարության կողմից
3 սեպտեմբերի 2007 թ.
Պետական գրանցման թիվ 32207313

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԱՌԱՎԱՐՈՒԹՅԱՆՆ ԱՌԸՆԹԵՐ
ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

Հ Ր Ա Մ Ա Ն

Ղեկավարվելով «Գեոդեզիայի և քարտեզագրության մասին» Հայաստանի Հանրապետության օրենքի 4-րդ հոդվածի 1-ին մասի «գ» ենթակետով, 5-րդ հոդվածի 1-ին մասի «բ» և «գ» ենթակետերով, 8-րդ հոդվածի և Հայաստանի Հանրապետության կառավարության 2002 թվականի մարտի 11-ի «Հայաստանի Հանրապետության պետական մասշտաբային շարքը սահմանելու մասին» N 222 որոշման 1-ին կետի և Հայաստանի Հանրապետության կառավարության 2001 թվականի հոկտեմբերի 24-ի «Գեոդեզիայի և քարտեզագրության բնագավառում Հայաստանի Հանրապետության կառավարության լիազորած պետական կառավարման մարմնի իրավասությունները Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին վերապահելու մասին» N 1028 որոշման պահանջներով՝

Հրամայում եմ՝

1. Հաստատել Տեղագրական քարտեզների և հատակագծերի թերթերի անվանակարգը սահմանելու կարգը` համաձայն հավելվածի։

2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի իրավաբանական և օրենսդրության մշակման բաժնի պետ Ա. Հարությունյանին` սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:

3. Սույն հրամանը ուժի մեջ է մտնում պաշտոնական հրապարակմանը հաջորդող տասներորդ օրը:

Կ Ա Ր Գ

ՏԵՂԱԳՐԱԿԱՆ ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԹԵՐԹԵՐԻ ԱՆՎԱՆԱԿԱՐԳԸ ՍԱՀՄԱՆԵԼՈՒ

1. ԸՆԴՀԱՆՈՒՐ ՄԱՍ

1.1. Սույն տեխնիկական կանոնակարգով սահմանվում է տեղագրական քարտեզների և հատակագծերի կազմման ընթացքում կիրառվող թերթերի անվանակարգը (նոմենկլատուրա):

2. ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԱՆՎԱՆԱԿԱՐԳՈՒՄԸ

2.1. Խոշոր տարածքների տեղագրական քարտեզները և հատակագծերը կազմելու համար անհրաժեշտ է, որպեսզի դրանց առանձին թերթերն ունենան անվանումներ:

2.2. Քարտեզների և հատակագծերի համարակալումը միևնույն համակարգում անվանում են քարտեզների և հատակագծերի անվանակարգ (նոմենկլատուրա):

2.3. Թերթերի անվանակարգը որոշում է քարտեզների և հատակագծերի իրար նկատմամբ ունեցած փոխադարձ դիրքը երկրի մակերևույթի վրա:

2.4. 1:1 000 000 մասշտաբի տեղագրական քարտեզն իրենից ներկայացնում է միջօրեականների 6⁰ և զուգահեռականների 4⁰ աղեղներով սահմանափակված երկրի մակերևույթի որոշակի սֆերոիդիկական սեղանի պատկերումը հարթության վրա:

2.5. Տարբեր մասշտաբների քարտեզների և հատակագծերի անվանակարգման հիմքը 1:1000000 մասշտաբի քարտեզն է:

2.6. Տեղագրական քարտեզները կազմվում են` 1:10 000, 1:25 000, 1:50 000, 1:100 000, 1:200 000, 1:500 000 և 1:1 000 000 մասշտաբներով, իսկ հատակագծերը` 1:500, 1:1 000, 1:2 000 և 1:5 000 մասշտաբներով:

2.7. 1:1 000 000 մասշտաբի քարտեզի բաժանումը տարբեր մասշտաբների քարտեզների թերթերի կատարվում է հետևյալ կերպ.

Գրինվիչի հակադիր 180⁰ միջօրեականից սկսած դեպի արևելք ամբողջ երկիրը բաժանվում է երկայնությամբ 6⁰ ընդմիջումներով 60 սյուների և 4⁰ ընդմիջումներով շարքերի, որոնք համարակալվում են հասարակածից դեպի հյուսիս և հարավ՝ համաձայն աղյուսակի:

Աղյուսակ

Օրինակ.

1:1 000 000 մասշտաբի քարտեզի թերթի անվանակարգը  կլինի` 11 - 38:

1:500 000 մինչև 1:10 000 մասշտաբների քարտեզների թերթերը անվանակարգվում են հետևյալ կերպ.

1:5 000 մինչև 1:500 մասշտաբների հատակագծերի թերթերը անվանակարգվում են հետևյալ կերպ.

Քարտեզների եվ հատակագծերի թերթերի անվանակարգում

1:500 000 մասշտաբի քարտեզի անվանակարգը

11—38—3

1:200 000 մասշտաբի քարտեզի անվանակարգը

11—38—34

1:100 000 մասշտաբի քարտեզի անվանակարգը

11—38—112

1:50 000 մասշտաբի քարտեզի անվանակարգը

11—38—112—3

1:25 000 մասշտաբի քարտեզի անվանակարգը

11—38—112—3—1

1:10 000 մասշտաբի քարտեզի անվանակարգը
                                          
11—38—112—3—1—4

1:5000 եվ 1:2000 մասշտաբների հատակագծերի անվանակարգ

11—38—112—(124)

11—38—112—(124-5)

Ուղղանկյուն համակարգում կտրատված 1: 5000 մասշտաբի
անվանակարգի շրջանակի չափսերը -  40x40 սմ

1:2000, 1:1000 և 1:500 մասշտաբի համար  -  50x50 սմ

124-2

124—2—2

124—2—10