Համարը 
N 717-Ն
Տեսակը 
Հիմնական
Տիպը 
Որոշում
Կարգավիճակը 
Գործում է
Սկզբնաղբյուրը 
ՀՀՊՏ 2018.07.04/52(1410) Հոդ.800
Ընդունման վայրը 
Երևան
Ընդունող մարմինը 
ՀՀ կառավարություն
Ընդունման ամսաթիվը 
28.06.2018
Ստորագրող մարմինը 
ՀՀ վարչապետ
Ստորագրման ամսաթիվը 
29.06.2018
Վավերացնող մարմինը 
Վավերացման ամսաթիվը 
Ուժի մեջ մտնելու ամսաթիվը 
01.01.2019
Ուժը կորցնելու ամսաթիվը 


ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԻՐ ՄՇՏԱԿԱՆ ԲՆԱԿՈՒԹՅԱՆ ՎԱՅՐԻՑ ԴՈՒՐՍ ՊԱՇՏՈՆԻ ՆՇԱՆԱԿՎԱԾ ԴԱՏԱՎՈՐԻՆ ՏՎՅԱԼ ՎԱՅՐՈՒՄ ԲՆԱԿԱՐԱՆԻ ՎԱՐՁԻՆ ՀԱՄԱՐԺԵՔ ՓՈԽՀԱՏՈՒՑՈՒՄ ՏՐԱՄԱԴՐԵԼՈՒ ԿԱՐԳԸ, ԱՌԱՎԵԼԱԳՈՒՅՆ ՉԱՓՆ ՈՒ ԺԱՄԿԵՏԸ ՍԱՀՄԱՆԵԼՈՒ ՄԱՍԻՆ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

28 հունիսի 2018 թվականի N 717-Ն

 

ԻՐ ՄՇՏԱԿԱՆ ԲՆԱԿՈՒԹՅԱՆ ՎԱՅՐԻՑ ԴՈՒՐՍ ՊԱՇՏՈՆԻ ՆՇԱՆԱԿՎԱԾ ԴԱՏԱՎՈՐԻՆ ՏՎՅԱԼ ՎԱՅՐՈՒՄ ԲՆԱԿԱՐԱՆԻ ՎԱՐՁԻՆ ՀԱՄԱՐԺԵՔ ՓՈԽՀԱՏՈՒՑՈՒՄ ՏՐԱՄԱԴՐԵԼՈՒ ԿԱՐԳԸ, ԱՌԱՎԵԼԱԳՈՒՅՆ ՉԱՓՆ ՈՒ ԺԱՄԿԵՏԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության դատական օրենսգիրք» սահմանադրական օրենքի 57-րդ հոդվածի 5-րդ մասը` Հայաստանի Հանրապետության կառավարությունը որոշում է.

1. Իր մշտական բնակության վայրից դուրս պաշտոնի նշանակված դատավորին տվյալ վայրում բնակարանի վարձին համարժեք փոխհատուցում (այսուհետ՝ դատավորին բնակարանի վարձին համարժեք փոխհատուցում) Բարձրագույն դատական խորհրդի սահմանած դեպքերում տրամադրվում է դատավորի կողմից՝ Բարձրագույն դատական խորհրդին ուղղված դիմումի հիման վրա, որին կցվում են անշարժ գույքի վարձակալության մասին պայմանագրի, վարձակալության իրավունքի պետական գրանցման վկայականի պատճենները և տվյալ վայրում դատավորին սեփականության իրավունքով պատկանող բնակելի անշարժ գույքի բացակայության մասին անշարժ գույքի կադաստրի կոմիտեի կողմից տրամադրված տեղեկատվությունը:

2. Դատավորին բնակարանի վարձին համարժեք փոխհատուցման տրամադրումն ապահովում է դատական դեպարտամենտը՝ դատավորի կողմից դիմումը և կից փաստաթղթերը ներկայացվելու ամսվանից:

3. Դատավորին բնակարանի յուրաքանչյուր ամսվա վարձին համարժեք փոխհատուցումը տրամադրվում է մինչև հաջորդ ամսվա 15-ը:

4. Դատավորին բնակարանի վարձին համարժեք փոխհատուցումը տրամադրվում է դատավորի պաշտոնավարման ժամանակահատվածի համար ամսական մինչև 100000 դրամի չափով՝ Երևան քաղաքի դեպքում, իսկ այլ վայրերի դեպքում՝ 70000 դրամի չափով:

5. Դատավորին բնակարանի վարձին համարժեք փոխհատուցման տրամադրման հիմքերի փոփոխման կամ վերացման դեպքում դատավորը դրա մասին դիմում է ներկայացնում Բարձրագույն դատական խորհուրդ:

6. Դատավորին բնակարանի վարձին համարժեք ամսական փոխհատուցման տրամադրումը փոփոխվում է անշարժ գույքի վարձակալության մասին պայմանագրով վարձավճարի՝ փոխհատուցման առավելագույն չափի սահմաններում կատարված փոփոխման դեպքում:

7. Դատավորին բնակարանի վարձին համարժեք ամսական փոխհատուցման տրամադրումը դադարեցվում է՝

1) դատավորի կողմից դիմում ներկայացվելու դեպքում.

2) դատավորի լիազորությունների դադարման կամ դադարեցման դեպքում.

3) փոխհատուցման հիմքերի վերացման դեպքում:

8. Սույն որոշումն ուժի մեջ է մտնում 2019 թվականի հունվարի 1-ից։

 

Հայաստանի Հանրապետության
վարչապետ

Ն. Փաշինյան

 
2018 թ. հունիսի 29
Երևան