Համարը 
N 279
Տեսակը 
Հիմնական
Տիպը 
Որոշում
Կարգավիճակը 
Գործում է
Սկզբնաղբյուրը 
Ընդունման վայրը 
Երևան
Ընդունող մարմինը 
ՀՀ կառավարություն
Ընդունման ամսաթիվը 
24.06.1994
Ստորագրող մարմինը 
ՀՀ վարչապետ
Ստորագրման ամսաթիվը 
24.06.1994
Վավերացնող մարմինը 
Վավերացման ամսաթիվը 
Ուժի մեջ մտնելու ամսաթիվը 
24.06.1994
Ուժը կորցնելու ամսաթիվը 


ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԲԱԶՄԱԲՆՈՒՅԹ ՌԱԶՄԱԿԱՆ ՀՐԱՄԱՆԱՏԱՐԱԿԱՆ ՈՒՍՈՒՄՆԱՐԱՆ ՍՏԵՂԾԵԼՈՒ ՄԱՍԻՆ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

24 հունիսի 1994 թ. N 279

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԲԱԶՄԱԲՆՈՒՅԹ ՌԱԶՄԱԿԱՆ ՀՐԱՄԱՆԱՏԱՐԱԿԱՆ ՈՒՍՈՒՄՆԱՐԱՆ ՍՏԵՂԾԵԼՈՒ ՄԱՍԻՆ

 

Ելնելով Հայաստանի Հանրապետության զինված ուժերի համար կադրային սպայական կազմ պատրաստելու անհրաժեշտությունից, Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության պաշտպանության նախարարության ու բարձրագույն կրթության և գիտության նախարարության առաջարկությունը և ստեղծել Հայաստանի Հանրապետության պաշտպանության նախարարության բազմաբնույթ ռազմական հրամանատարական ուսումնարան` բարձրագույն մասնագիտական ուսումնական հաստատության կարգավիճակով:

2. Հայաստանի Հանրապետության բարձրագույն կրթության և գիտության նախարարությանը` բարձրագույն ուսումնական հաստատությունների ռազմական ամբիոններում ապահովել բազմաբնույթ ռազմական հրամանատարական ուսումնարանի գործունեության համար անհրաժեշտ պայմաններ:

3. Հայաստանի Հանրապետության պաշտպանության նախարարությանը` նախարարության միջոցների հաշվին Հայաստանի Հանրապետության բարձրագույն կրթության և գիտության նախարարությանը պայմանագրային հիմունքներով փոխհատուցել բազմաբնույթ ռազմական հրամանատարական ուսումնարանի գործունեության հետ կապված լրացուցիչ ծախսերը:

4. Հայաստանի Հանրապետության էկոնոմիկայի նախարարությանը և ֆինանսների նախարարությանը` Հայաստանի Հանրապետության 1994 թվականի սոցիալ-տնտեսական զարգացման ծրագրում և պետական պատվերում կատարել սույն որոշումից բխող համապատասխան փոփոխություններ:


Հայաստանի Հանրապետության
վարչապետ