ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 սեպտեմբերի 2019 թվականի N 1306-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2019 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԴԵԿՏԵՄԲԵՐԻ 27-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 3-րդ մասի` Հայաստանի Հանրապետության կառավարությունը որոշում է.

1. «Հայաստանի Հանրապետության 2019 թվականի պետական բյուջեի մասին» Հայաստանի Հանրապետության օրենքում կատարել վերաբաշխում և Հայաստանի Հանրապետության կառավարության 2018 թվականի դեկտեմբերի 27-ի «Հայաստանի Հանրապետության 2019 թվականի պետական բյուջեի կատարումն ապահովող միջոցառումների մասին» N 1515-Ն որոշման NN 3, 4, 5, 11 և 11.1 հավելվածներում կատարել փոփոխություններ` համաձայն NN 1, 2, 3, 4 և 5 հավելվածների:

2. Հայաստանի Հանրապետության կառավարության 2018 թվականի դեկտեմբերի 27-ի «Հայաստանի Հանրապետության 2019 թվականի պետական բյուջեի կատարումն ապահովող միջոցառումների մասին» N 1515-Ն որոշման N 11 հավելվածի N 11.11 աղյուսակի և N 11.1 հավելվածի N 11.1.49 աղյուսակի «1190 Զբոսաշրջության զարգացման» ծրագրի «11002 Աջակցություն զբոսաշրջության զարգացմանը» միջոցառման մեջ կատարել հետևյալ փոփոխությունները՝

1) «Հայաստան այցելած օտարերկրյա լրագրողներ» տողի «ինն ամիս» սյունակում «Առնվազն 5 երկրից» բառերը փոխարինել «Առնվազն 3 երկրից» բառերով.

2) «Պետական աջակցություն զբոսավարների միջազգային դպրոցին» տողի «ինն ամիս» և «տարի» սյունակներում «Առնվազն մեկ միջազգային և մեկ տեղական դասընթաց» բառերը փոխարինել «0» և «Առնվազն երկու դասընթաց» բառերով.

3) «Զբոսաշրջության ոլորտում միջազգային համագործակցությանը նվիրված միջազգային միջոցառման կազմակերպում կամ աջակցություն» տողի «ինն ամիս» սյունակում «Առնվազն 1 միջոցառում» բառերը փոխարինել «0» թվով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: