«Վավերացնում եմ»
Հայաստանի Հանրապետության
Նախագահ Ռ. Քոչարյան
23 ապրիլի 2007 թ.

15 մարտի 2007 թվականի N 451-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՑՈՐԵՆԻ ՈՒ ԳԱՐՈՒ ՍԵՐՄՆԱԲՈՒԾՈՒԹՅԱՆ ԶԱՐԳԱՑՄԱՆ ԾՐԱԳԻՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Հայաստանի Հանրապետությունում հացահատիկի արտադրության ծավալների ավելացման և ինքնաբավության մակարդակի բարձրացման նպատակով և «Հայաստանի Հանրապետության Բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետությունում 2007-2011 թվականների ցորենի և գարու սերմնաբուծության զարգացման ծրագիրը` համաձայն հավելվածի:

2. Սույն որոշման 1-ին կետում նշված ծրագրով 2007 թվականին նախատեսված միջոցառումների իրականացումն ապահովելու նպատակով Հայաստանի Հանրապետության գյուղատնտեսության նախարարությանը 2007 թվականի երկրորդ եռամսյակում հատկացնել 105100.0 հազ. դրամ` Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (50000.0 հազ. դրամը` բյուջետային ծախսերի տնտեսագիտական դասակարգման «Այլ ծախսեր» և 55100.0 հազ. դրամը` «Ձեռնարկություններին և կազմակերպություններին տրվող սուբսիդիաներ» հոդվածով):

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2007-2011 ԹՎԱԿԱՆՆԵՐԻՆ ՑՈՐԵՆԻ ԵՎ ԳԱՐՈՒ ՍԵՐՄՆԱԲՈՒԾՈՒԹՅԱՆ ԶԱՐԳԱՑՄԱՆ

1. ՆԵՐԱԾՈՒԹՅՈՒՆ

Հացահատիկային մշակաբույսերն իրենց նշանակությամբ և զբաղեցրած տարածքներով հանրապետության բնակլիմայական բոլոր գոտիներում մշակվող ամենակարևոր մշակաբույսերն են: 2000-2006 թթ. հացահատիկային մշակաբույսերի ցանքատարածությունները տատանվել են 175-210 հազար հեկտարի սահմաններում` ապահովելով հեկտարից 18.0-20.0 ցենտներ միջին բերք¹: Հետազոտություններից պարզվել է, որ ցորենի և գարու մշակաբույսերի արտադրության և սերմնաբուծության ոլորտում ստեղծված իրավիճակն ու հիմնախնդիրները նույնն են: Մասնավորապես, նույնական է նաև էլիտային սերմերի արտադրության կազմակերպման, նոր սորտերի փորձարկումների, սերմերի որակի ստուգման և հավաստագրման բնագավառում ստեղծված իրավիճակը:

Վերջին տարիների ուսումնասիրությունները վկայում են հետևյալի մասին`

1. Հանրապետությունում առկա են անհրաժեշտ նախադրյալներ ցանքատարածքների նույն ծավալների պայմաններում` բերքատվության բարձրացման միջոցով, հացաբույսերի արտադրության ծավալների զգալի ավելացման և առաջիկա 4-5 տարիների ընթացքում ինքնաբավության մակարդակի ապահովման համար:

2. Հացահատիկային մշակաբույսերի ցածր բերքատվության հիմնական պատճառը որակյալ սերմացուների պահանջարկի բավարարման չափազանց ցածր մակարդակն է, այն ապահովվում է առավելագույնը 15-20%-ով:

3. Հացահատիկի ապրանքային խմբաքանակները գնվում են վերամշակող ձեռնարկությունների կողմից ցածր գներով` օրինակ, ցորենի մեկ կիլոգրամը 70-85 դրամով, մինչդեռ որակյալ սերմացուները վաճառվում են բավականին բարձր` 160-200 դրամով: Հացահատիկի արտադրության ցածր եկամտաբերության պատճառով խիստ սահմանափակ է բարձրորակ սերմացուների նկատմամբ վճարունակ պահանջարկը և դեռևս նախադրյալներ չեն ստեղծվել ոլորտի արդյունավետ զարգացման համար:

4. Հանրապետությունում արտադրվող պարենային ցորենի վերամշակումից ստացված ալյուրը հացաթխման որակով նկատելիորեն զիջում է արտերկրներից ներմուծվող հումքից ստացվող ալյուրին, որի հետևանքով ցորենի արտադրությունն ապրանքային նպատակով դառնում է նվազ շահութաբեր կամ վնասաբեր, իսկ ճյուղն ամբողջությամբ արտերկրների հումքի նկատմամբ՝ ցածր մրցունակ:

5. Ցանքատարածությունների գերակշռող մասի բուսասանիտարական վիճակը դեռևս բավարար չէ: Զանգվածային բնույթ է կրում սնկային հիվանդություններով և վնասակար մոլախոտերով վարակման երևույթը: Համապատասխան տեխնիկական բազայի և պայմանների բացակայության հետևանքով արտադրվող հացահատիկի հիմնական մասն իրացվում է առանց նախնական վերամշակման, հետևաբար` ցածր ապրանքային տեսքով:

6. Ներկայումս հանրապետությունում գոյություն ունեցող առաջնային սերմնաբուծության օղակին՝ ՀՀ գյուղատնտեսության նախարարության համակարգի գիտահետազոտական հաստատություններին և մասամբ նաև սերմնաբուծությամբ զբաղվող ֆերմերային տնտեսություններին չի հաջողվում բավարարել նախահիմնային և հիմնային սերմերի նկատմամբ հանրապետությունում առկա պահանջարկը: Վերջիններիս կողմից օգտագործվող տեխնիկական միջոցների ֆիզիկական ու բարոյական մաշվածությունը, ֆինանսական միջոցների անբավարարությունն արգելակում են ճյուղի բնականոն զարգացմանը:

Հացահատիկի շրջանացված սորտերի կազմը հիմնականում բավարարում է բուսաբուծության պահանջները, սակայն հրատապ է դարձել բարձր որակ ունեցող նոր սորտերի շրջանացման և սերմարտադրության կազմակերպման խնդիրը:

________________

¹Սույն ծրագրում այսուհետ կիրառվող «ցորեն» և «գարի» հասկացությունները համապատասխանաբար վերաբերում են աշնանացան և գարնանացան ցորեններին ու գարիներին:

2. ԾՐԱԳՐԻ ԻՐԱԿԱՆԱՑՄԱՆ ՀԻՄՆԱԿԱՆ ՆՊԱՏԱԿԸ ԵՎ ԵՆԹԱՆՊԱՏԱԿՆԵՐԸ

Ծրագրի հիմնական նպատակը հացահատիկային ճյուղի արդյունավետության բարձրացման միջոցով հացահատիկային մշակաբույսերի արտադրության ծավալների և ինքնապահովության մակարդակի էական ավելացումն է:

Սույն ծրագրի իրականացման ենթանպատակներն են`

- ցորենի և գարու սերմնաբուծության զարգացման համար բարենպաստ պայմանների ստեղծման միջոցով հացահատիկային ճյուղի կայունության ապահովումը,

- հանրապետությունում սերմնաբուծության բնագավառի բարելավման արդյունքում մինչև 2011 թ. հացահատիկային մշակաբույսերի բերքատվությունը 25 ց/հա-ի հասցնելը.

- ծրագրի իրականացումից հետո պայմաններ ստեղծելը` արտերկրներից ցորենի և գարու սերմերի ներկրման դադարեցման համար.

- ցորենի և գարու արտադրության արդյունավետության բարձրացման շնորհիվ ոլորտի շահութաբերությունն ու արտերկրներից ներկրվող հումքի նկատմամբ մրցունակությունը բարձրացնելը.

- նոր սորտերի բուծման, փորձարկման, ներդրման և էլիտային սերմերի արտադրության ժամանակակից, ինքնավերարտադրվող համակարգը ձևավորելը.

- սերմերի պահուստային խմբաքանակների ապահովման մեխանիզմները ձևավորելը:

3. ՑՈՐԵՆԻ ԵՎ ԳԱՐՈՒ ՍԵՐՄՆԱԲՈՒԾՈՒԹՅԱՆ ԶԱՐԳԱՑՄԱՆ ԱՌԱՋՆԱՅՆՈՒԹՅՈՒՆՆԵՐԸ

Ցորենի ու գարու մշակության արդյունավետության բարձրացման ուղղությամբ կատարված հետազոտությունների արդյունքները և բնագավառում կուտակված փորձը ցույց են տալիս, որ հացահատիկային տնտեսությունում սերմնաբուծության զարգացման առաջնահերթություններն են`

- ոլորտի գիտատեխնիկական և տեխնոլոգիական կարիքների բացահայտումը և դրանց ապահովման համար իրական նախադրյալների ստեղծումը.

- սուպերէլիտային և էլիտային սերմերի արտադրության տեխնոլոգիական փուլերին ներկայացվող պահանջների պահպանման և այդ գործընթացի ապահովման արդյունավետ մեխանիզմի կիրառումը:

3.1. ՈԼՈՐՏԻ ԳԻՏԱՏԵԽՆԻԿԱԿԱՆ ԵՎ ՏԵԽՆՈԼՈԳԻԱԿԱՆ ԿԱՐԻՔՆԵՐԻ ԲԱՑԱՀԱՅՏՈՒՄԸ ԵՎ ԴՐԱՆՑ ԱՊԱՀՈՎՄԱՆ ՀԱՄԱՐ ԻՐԱԿԱՆ ՆԱԽԱԴՐՅԱԼՆԵՐԻ ՍՏԵՂԾՈՒՄԸ

Ցորենի և գարու սերմնաբուծության ու մշակության հետ կապված խնդիրների լուծման նպատակով անհրաժեշտ է կատարել իրավիճակի ուսումնասիրության, գիտատեխնիկական և տեխնոլոգիական կարիքների բացահայտման համապարփակ հետազոտություններ:

ՀՀ ագրարային ոլորտում պետական քաղաքականության մեջ ցորենի և գարու սերմնաբուծության զարգացման հիմնական նախադրյալներից մեկը համարվում է գիտատեխնիկական և տեխնոլոգիական կարիքների բացահայտումը, որը հնարավորություն կտա`

- առավել խնայողական և արդյունավետ օգտագործել առկա ռեսուրսները.

- խուսափել ցածրարդյունավետ հետազոտական և փորձարարական ծրագրերի տևական իրականացումից.

- ուժեղացնել և լիարժեք օգտագործել առաջնային սերմնաբուծությամբ զբաղվող գիտական կենտրոնների և ֆերմերային տնտեսությունների կարողությունները:

Ցորենի և գարու սերմնաբուծության զարգացման առաջնահերթությունները և կազմակերպական միջոցառումներն ամփոփված են 1-ին աղյուսակում:

Աղյուսակ 1

Ցորենի ԵՎ գարու սերմնաբուծության զարգացման 2007-2011 թթ. կազմակերպական միջոցառումները

Բնագավառում կատարված ուսումնասիրությունների արդյունքում բացահայտվել է, որ 2007-2008թթ. համար առաջնային լուծում պահանջող գիտատեխնիկական և տեխնոլոգիական կարիքներ են համարվում`

- նոր սորտերի տնտեսական օգտակարության փորձարկումների ծրագրի շարունակումը և դրա ծավալների ընդլայնումը.

- հացահատիկային մշակաբույսերի սերմերի հավաստագրման համակարգի ու ԵՄ անդամ երկրներում գործող սերմերի որակի ստանդարտների ներդրումը.

- ՀՀ մարզերում բուսասանիտարական իրավիճակի խորացված ուսումնասիրությունների իրականացումը:

Ցորենի և գարու սերմնաբուծության զարգացման առաջնային նշանակություն ունեցող հիմնախնդիր է սերմերի արտադրության ոլորտի կառավարման և համակարգման արդյունավետ մեխանիզմների ձևավորումը:

Կձեռնարկվեն սերմնաբուծության առաջնային օղակի կազմակերպման և հզորացման նպատակային միջոցառումներ, որտեղ վճռորոշ գործոնը կլինի սուպերէլիտային և էլիտային սերմերի արտադրության համար լրավճարների համակարգի ներդրումը, իսկ զանգվածային բազմացման փուլում առաջնությունը կտրվի սերմնաբուծության կազմակերպման տարածաշրջանային համակարգերի ձևավորմանը` այդ գործընթացին ցույց տալով նյութական որոշակի աջակցություն:

Ծրագիրը ներկայացնում է սերմնաբուծության համակարգի այն անհրաժեշտ բաղադրիչների ամբողջությունը, որոնք ժամանակավորապես, մինչև հանրապետությունում համապատասխան համակարգի լիարժեք կայացումը, հանդես կգան որպես օժանդակող ենթակառույցներ:

Սերմարտադրության ծավալների կայունացման և ոլորտի զարգացման համար արտաբյուջետային միջոցների ներգրավման կարևորագույն աղբյուր է համարվում մասնավոր հատվածի դերի բարձրացմանն ուղղված միջոցառումների իրականացումը: Մասնավորապես, խնդիր է դրվում սուպերէլիտային սերմերի արտադրության և էլիտային սերմերի բազմացման գործընթացում ընդլայնել ֆերմերների և նրանց միավորումների մասնակցությունը: Ցորենի և գարու սերմնաբուծության համակարգում առաջնային դեր է հատկացվում հետևյալ կազմակերպություններին`

- Երկրագործության և բույսերի պաշտպանության գիտական կենտրոն՝ Արարատյան հարթավայրի և նրա նախալեռնային գոտու համար էլիտային սերմերի արտադրության կազմակերպում.

- Գյումրու սելեկցիոն կայան` աշնանացան ցորենի, գարնանացան ցորենի և գարնանացան գարու, հանրապետության լեռնային, նախալեռնային գոտիների համար, էլիտային սերմերի արտադրություն.

- Մասնավոր սերմնաբուծական տնտեսություններ՝ էլիտային սերմերի արտադրություն` հանրապետության բնակլիմայական բոլոր գոտիների համար:

3.2. ՍՈՒՊԵՐԷԼԻՏԱՅԻՆ ԵՎ ԷԼԻՏԱՅԻՆ ՍԵՐՄԵՐԻ ԱՐՏԱԴՐՈՒԹՅԱՆ ՏԵԽՆՈԼՈԳԻԱԿԱՆ ՀԱՋՈՐԴԱԿԱՆՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԻ ՊԱՀՊԱՆՄԱՆ ԵՎ ԱՅԴ ԳՈՐԾԸՆԹԱՑԻ ՓՈՒԼԵՐԻ ԱՊԱՀՈՎՄԱՆ ՀԱՄԱՐ ԱՐԴՅՈՒՆԱՎԵՏ ՄԵԽԱՆԻԶՄՆԵՐԻ ԿԻՐԱՌՈՒՄԸ

Նախատեսվում է շարունակել ցորենի և գարու էլիտային սերմերի արտադրության դասական տարբերակի կիրառումը, իսկ սուպերէլիտային սերմադաշտերից ստացված սերմնանյութի որակի գնահատման ժամանակ նաև կիրառել տվյալ վերարտադրության սերմերը ելակետային սերմերի խմբին դասելու մեթոդը: Վերջինս կարող է կիրառվել սերմերի հավաստագրման համակարգի ներդրման գործընթացի ավարտից հետո, բացառապես ՀՀ գյուղատնտեսության նախարարության «Սերմերի գործակալություն» ՊՈԱԿ-ի գնահատման արդյունքների հիման վրա:

Ծրագրային առաջին տարում ցորենի և գարու էլիտային սերմերի արտադրության տեխնոլոգիական հաջորդականությունն ու ծավալները 2007 թ. համար ամփոփված են 2-րդ աղյուսակում:

Աղյուսակ 2

Հացահատիկային մշակաբույսերի էլիտային սերմերի արտադրության տեխնոլոգիական Հաջորդականությունն ու ծավալները 2007 թ.
 

^{___________________________}

¹ 502.0 տոննա էլիտային սերմերը կզբաղեցնեն շուրջ 2000 հեկտար տարածություն կամ կարող է արտադրվել առնվազն 5020 տոննա առաջին վերարտադրության սերմ:

² 24 տոննա էլիտային սերմերը կզբաղեցնեն 120 հեկտար, կամ կարտադրվի 240 տոննա առաջին վերարտադրության սերմ:

³ 120 տոննա էլիտային սերմերը կզբաղեցնեն 600 հեկտար, կամ կարտադրվի 1200 տոննա առաջին վերարտադրության սերմ:

Տնկարաններում բազմացվող սորտերի կազմն ու տեսակարար կշիռը սահմանվում է ՀՀ գյուղատնտեսության նախարարության կողմից: 2007 թ. համար ելակետային սերմնանյութն առկա է:

Աշնանացան գարու էլիտային սերմերի արտադրության համար 2006 թվականի աշնանը ստեղծվել է 0.075 հա 1-ին տարվա տնկարան:

Հանրապետությունում 2007-2011 թթ. աշնանացան ցորենի և գարնանացան գարու բարձր վերարտադրության սերմերի արտադրության զարգացման միտումներն արտահայտված են 1-4 գծապատկերներում:

Գծապատկեր 1

Գծապատկեր 2

Գծապատկեր 3

Գծապատկեր 4

Աշնանացան ցորենի, գարնանացան ցորենի, գարնանացան գարու, աշնանացան գարու նախահիմնային և հիմնային սերմերի արտադրության հերթագայության սխեման և տարեկան ծավալները 2007-2011 թթ. համար ներկայացված են NN 8-11 աղյուսակներում:

Հացահատիկային մշակաբույսերի սուպերէլիտային սերմերի արտադրության առաջին փուլերում պահանջվում է բարձր որակավորում ունեցող աշխատանք, որի արտադրողականությունը, տեխնոլոգիական օբյեկտիվ պատճառներով, ցածր է: Այդ պատճառով արտադրված սուպերէլիտային սերմերի ինքնարժեքը բարձր է լինում դրանց իրացման գնից, որի հետևանքով նման սերմերի արտադրությունը դառնում է տնտեսապես վնասաբեր:

Առաջնորդվելով ցորենի մշակության ռազմավարական նշանակությամբ՝ անհրաժեշտություն է առաջանում արտադրողներին բարձրորակ սերմերի արտադրության համար փոխհատուցել կատարվող լրացուցիչ ծախսերն ու արդյունքում ապահովել սերմարտադրողների արդյունավետ գործունեությունը և հետագա վերարտադրությունը: Ընդ որում, նախատեսվում է լրավճարները կատարել միայն փաստացի արտադրված սուպերէլիտային և էլիտային սերմերի համար: Այդ աշխատանքներն անհրաժեշտ է հստակ ծրագրել յուրաքանչյուր տարվա համար, և ծախսերը ծրագրային հետագա տարիների համար չնվազեցնել 2007թ. համար հաշվարկվող գումարից /գծապատկեր 5/:

Գծապատկեր 5

Նախնական հաշվարկների համաձայն՝ սուպերէլիտային սերմերի արտադրության առաջարկվող մեխանիզմի ներդրման շնորհիվ այդ կարգի սերմերի ինքնարժեքը կարող է յուրաքանչյուր արտադրական շրջապտույտից հետո որոշակի նվազել, սակայն ոլորտի կայուն զարգացումն ապահովելու նպատակով անհրաժեշտ է 3-4 տարի ծրագրի իրականացման մոտեցումներում փոփոխություններ չկատարել:

Հանրապետությունում հացահատիկային մշակաբույսերի սուպերէլիտային սերմերի ծավալների հաշվարկը ներկայացված է 3-րդ աղյուսակում:

Աղյուսակ 3

Հացահատիկային մշակաբույսերի սուպերէլիտային սերմերի արտադրության ծավալների հաշվարկը

Ծրագրի իրականացման ավարտին կարտադրվի 200 տոննա աշնանացան ցորենի, 10 տոննա գարնանացան ցորենի, 100 տոննա գարնանացան գարու և 16 տոննա աշնանացան գարու սուպերէլիտային սերմացու:

Հացահատիկային մշակաբույսերի սուպերէլիտային սերմերի արտադրության համար պահանջվող լրավճարների հաշվարկը տրված է 4-5 աղյուսակներում:

Հանրապետությունում ցորենի և գարու սուպերէլիտային սերմերի արտադրության արդյունավետությունը հնարավոր է գնահատել հաջորդ երկու վերարտադրություններում ստացվող բերքի հավելման արժեքով:

Աշնանացան ցորենի և գարնանացան գարու սուպերէլիտային և էլիտային սերմերի արտադրության փուլերում կատարված լրավճարների արդյունավետությունը գնահատվում է 1-ին վերարտադրությունում ստացվող հավելյալ բերքի արժեքով /գծապատկեր 6-7/:

Գծապատկեր 6

Գծապատկեր 7

Փորձագիտական գնահատումների համաձայն, բարձրորակ սորտային սերմերի օգտագործման շնորհիվ միջին հաշվով էլիտային սերմերի արտադրության ծավալները կարող են ավելանալ շուրջ մեկ երրորդով: Սակայն այս փուլում նույնպես պահանջվում է լրավճարների կիրառումը՝ ելնելով սերմարտադրող սուբյեկտների վճարունակությունը բարձրացնելու, մասնագիտացումը խորացնելու, արտադրության կայուն պայմաններ ստեղծելու անհրաժեշտությունից:

Ծրագրային ժամանակահատվածում հացահատիկային մշակաբույսերի տարբեր վերարտադրության սերմերի արտադրության արդյունավետության հաշվարկները ներկայացված է 6-7-րդ աղյուսակներում:

Աղյուսակ 4

Հացահատիկային մշակաբույսերի սուպերէլիտային սերմերի արտադրության համար պահանջվող լրավճարների հաշվարկը

Աղյուսակ 5

Աղյուսակ 6

Հացահատիկային մշակաբույսերի էլիտային սերմերի արտադրության արդյունավետության հաշվարկը

էլիտային սերմերով ցանված 1 հեկտար աշնանացան կամ գարնանացան ցորենի դաշտում բերքի հավելումը կազմում է 8 ց, որի 20%-ը /1.6 ց/ կիրացվի որպես կեր` 60 դրամ, արժեքով, իսկ մնացած 6.4ց-ը՝ կիրացվի որպես 1-ին վերարտադրության սերմ՝ 180 դրամ արժեքով: 1 տոննա հավելյալ բերքի իրացման գինը՝ 156.0 հազ. դրամ: 1 տոննա աշնանացան կամ գարնանացան ցորենի էլիտային սերմով կարելի է ցանել 4 հա, ուստի՝ 1 տոննայի հաշվով հավելյալ բերքի քանակը կկազմի 3.2 տոննա: էլիտային սերմերով ցանված 1 հեկտար աշնանացան կամ գարնանացան գարու դաշտում բերքի հավելումը կազմում է 4.2 ց, որի 20%-ը /0.84 ց/ կիրացվի որպես կեր` 60 դրամ, արժեքով, իսկ մնացած 3.16 ց-ը՝ կիրացվի որպես 1-ին վերարտադրության սերմ՝ 140 դրամ արժեքով: 1 տոննա հավելյալ բերքի իրացման գինը՝ 124.0 հազ. դրամ: 1 տոննա աշնանացան կամ գարնանացան գարու էլիտային սերմով կարելի է ցանել 5 հա, ուստի՝ 1 տոննայի հաշվով հավելյալ բերքի քանակը կկազմի 2.1 տոննա:

Աղյուսակ 7

Հացահատիկային մշակաբույսերի 1-ին վերարտադրության սերմերի արտադրության արդյունավետության հաշվարկը

4. ՍՈՒՊԵՐԷԼԻՏԱՅԻՆ ՍԵՐՄԵՐԻ ՆԵՐԿՐՈՒՄՆԵՐԸ ԵՎ ԲԱԶՄԱՑՈՒՄԸ

Ցորենի և գարու սերմնաբուծության զարգացման ծրագրի իրականացման ընթացքում 1-ին վերարտադրության սերմերի ստացման գործընթացն արագացնելու նպատակով անհրաժեշտ է 2007-2010 թվականներին, յուրաքանչյուր տարի, արտերկրից հանրապետություն ներկրել 25-30-ական տոննա աշնանացան ցորենի և գարնանացան գարու սուպերէլիտային սերմացու: Ներկրված սուպերէլիտային սերմերով հնարավոր է տարեկան արտադրել`

- 300-360 տոննա աշնանացան ցորենի և 250-300 տոննա գարնանացան գարու էլիտային սերմացու,

- սկսած 2009 թվականից՝ 4500-5400 տոննա աշնանացան ցորենի ու 2500-3000 տոննա գարնանացան գարու 1-ին վերարտադրության սերմացու:

2009 թվականից ներկրված սերմերի հաշվին տարեկան լրացուցիչ կստացվի 2000-2640 տոննա հացահատիկի բերք:

Սերմերի ներկրումը պայմաններ կապահովի նաև հանրապետությունում սորտափոխանակության և սորտաթարմացման իրականացման համար:

Աղյուսակ 8

Աշնանացան ցորենի էլիտային սերմերի արտադրության ծավալները 2007-2011 թթ.

Աղյուսակ 9

Գարնանացան ցորենի էլիտային սերմերի արտադրության ծավալները 2007-2011 թթ.

Աղյուսակ 10

Գարնանացան գարու էլիտային սերմերի արտադրության ծավալները 2007-2011 թթ.

Աղյուսակ 11

Աշնանացան գարու էլիտային սերմերի արտադրության ծավալները 2007-2011 թթ.