«Գրանցված է»
ՀՀ արդարադատության
նախարարության կողմից
5 դեկտեմբերի 2002 թ.
Պետական գրանցման թիվ 60302331

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԲՆԱՊԱՀՊԱՆՈՒԹՅԱՆ ԵՎ ԲՆԱԿԱՆ ՊԱՇԱՐՆԵՐԻ ԱՐԴՅՈՒՆԱՎԵՏ ՕԳՏԱԳՈՐԾՄԱՆ ՊԵՏԱԿԱՆ ՎԵՐԱՀՍԿՈՂՈՒԹՅԱՆ ՄԱՍԻՆ» ՁԵՎ ԹԻՎ 1-ԲՆԱՊԱՀՊԱՆՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն բնապահպանության և բնական պաշարների արդյունավետ օգտագործման պետական վերահսկողության մասին» Ձև թիվ 1-բնապահպանություն պետական վիճակագրական հաշվետվության ձևը և լրացման հրահանգը` համաձայն հավելվածի 1-ի:

Հ Ր Ա Հ Ա Ն Գ

«ԲՆԱՊԱՀՊԱՆՈՒԹՅԱՆ ԵՎ ԲՆԱԿԱՆ ՊԱՇԱՐՆԵՐԻ ԱՐԴՅՈՒՆԱՎԵՏ ՕԳՏԱԳՈՐԾՄԱՆ ՊԵՏԱԿԱՆ ՎԵՐԱՀՍԿՈՂՈՒԹՅԱՆ ՄԱՍԻՆ» ՁԵՎ N 1-ԲՆԱՊԱՀՊԱՆՈՒԹՅՈՒՆ (ԿԻՍԱՄՅԱԿԱՅԻՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բնապահպանության և բնական պաշարների արդյունավետ օգտագործման պետական վերահսկողության մասին» ձև N 1-բնապահպանություն (կիսամյակային) ամփոփ պետական վիճակագրական հաշվետվության լրացման կարգը:

2. Հաշվետվությունը ներկայացնում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև հաշվետու ժամանակաշրջանին հաջորդող ամսվա 10-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

5. Տող 101-ում բերվում է հաշվետու տարում ստուգված օբյեկտների ընդհանուր քանակը:

6. Տողեր 102-115-ում բերվում են ստուգումների ընթացքում հայտնաբերված և սահմանված ժամկետներում վերացված բնապահպանության օրենսդրության խախտումների քանակներն` ըստ բնապահպանական ուղղությունների:

7. Բնապահպանության օրենսդրության խախտումների համար վարչական պատասխանատվության ենթարկված անձանց թվաքանակն ու սահմանված տուգանքների գումարներն` ըստ բնապահպանության ուղղությունների, բերվում են տողեր 116-129-ում:

8. Տողեր 130-143-ում բերվում են շրջակա բնական միջավայրին պատճառած վնասի հատուցման արձանագրությունների քանակներն ու դրանց դիմաց հաշվարկված գումարներն` ըստ առանձին ուղղությունների:

9. Տող 144-ում բերվում է հաշվետու տարում դատաքննչական մարմիններին հանձնված նյութերի քանակը:

10. Տող 145-ում բերվում է այն կազմակերպությունների քանակը, որոնց գործունեությունը բնապահպանության օրենսդրության խախտումների պատճառով դադարեցվել է որոշակի ժամկետներով:

11. Բնապահպանական նորմերը խախտողներից առգրավված առարկաներից առանձնացվում են ձկնագողության (տող 146), որսագողության պարագաների (տող 147), ձկների (տող 148) քանակը և ապօրինի հատված փայտանյութի ծավալը (տող 149): Առգրավված այլ առարկաները, որոնք բերված չեն տողեր 146-149-ում, նշվում են 150-152 տողերում:

12. Հաշվետու ժամանակահատվածում էկոլոգիական եզրակացության և էկոփորձաքննության ներկայացված նյութերի քանակները բերվում են տողեր 153-158-ում:

13. Հաշվետու ժամանակահատվածում փորձանմուշների էկոլոգիական փորձազննության նյութերի քանակը բերվում է տողեր 159-171-ում: Փորձանմուշների փորձազննությունը կատարվում է ըստ ուղղվածությունների` մթնոլորտային օդի (տողեր 159-161), ջրի (տողեր 162-164), հողի (տողեր 165-167), տեղադրված թափոնների (տողեր 168-169), կենդանիների (տող 170) և բույսերի (տող 171):

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԲՆԱՊԱՀՊԱՆՈՒԹՅԱՆ ԵՎ ԲՆԱԿԱՆ ՊԱՇԱՐՆԵՐԻ ԱՐԴՅՈՒՆԱՎԵՏ ՕԳՏԱԳՈՐԾՄԱՆ ՊԵՏԱԿԱՆ ՎԵՐԱՀՍԿՈՂՈՒԹՅԱՆ ՄԱՍԻՆ

200... թ. ___________ կիսամյակի համար