«ԳՐԱՆՑՎԱԾ է»
ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ
12 ապրիլի 2004 թ.
ՊԵՏԱԿԱՆ ԳՐԱՆՑՄԱՆ թիվ 60304078

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԹՈՂԱՐԿՎԱԾ ԱՐՏԱԴՐԱՆՔԻ ԳՆԵՐԻ ՀԱՇՎԱՌՄԱՆ ՄԱՍԻՆ» ՁԵՎ ԹԻՎ 1-ԳԻՆ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ԴԻՏԱՐԿՄԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

հաստատել «Արդյունաբերության ոլորտի կազմակերպությունների կողմից թողարկված արտադրանքի գների հաշվառման մասին» Ձև թիվ 1-ԳԻՆ (տարեկան) պետական վիճակագրական դիտարկման հարցաթերթը և լրացման հրահանգը` համաձայն հավելված 1-ի:

Հ Ր Ա Հ Ա Ն Գ

«ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԹՈՂԱՐԿՎԱԾ ԱՐՏԱԴՐԱՆՔԻ ԳՆԵՐԻ ՀԱՇՎԱՌՄԱՆ ՄԱՍԻՆ» ԹԻՎ 1-ԳԻՆ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ԴԻՏԱՐԿՄԱՆ ՀԱՐՑԱԹԵՐԹԻ ԼՐԱՑՄԱՆ

ԸՆԴՀԱՆՈՒՐ ԴՐՈՒՅԹՆԵՐ

Հրահանգը սահմանում է «Արդյունաբերության ոլորտի կազմակերպությունների կողմից թողարկված արտադրանքի գների հաշվառման մասին» (թիվ 1-Գին (տարեկան)) պետական վիճակագրական դիտարկման հարցաթերթի (այսուհետ` հարցաթերթ) լրացման կարգը:

Հարցաթերթը ներկայացնում են Հայաստանի Հանրապետության ազգային վիճակագրական ծառայության կողմից ընտրանքային կարգով ընտրված արտադրական գործունեությամբ զբաղվող իրավաբանական անձինք, անհատ ձեռնարկատերերը (այսուհետ` կազմակերպություններ):

«Արդյունաբերության ոլորտի կազմակերպությունների կողմից թողարկված արտադրանքի գների հաշվառման մասին» (թիվ 1-Գին (տարեկան)) հարցաթերթը ներկայացվում է ըստ դիտարկման հարցաթերթում նշված ժամկետի:

Հարցաթերթը կազմվում է տարեկան պարբերականությամբ:

Սույն հրահանգի իմաստով հաշվետու ժամանակաշրջան է համարվում օրացուցային տարին:

Փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում թողարկված արտադրանքի ընդհանուր ծավալում ունեցել է փաստացի առավել մեծ տեսակարար կշիռ:

Սույն իմաստով թողարկված պատրաստի արտադրանք են համարվում կազմակերպության կողմից արտադրված այն ապրանքներն ու ծառայությունները, որոնք.

- իրացվում են (վաճառվում են կամ փոխանակվում այլ ապրանքների ու ծառայությունների հետ (բարտեր)),

- նախատեսված են աշխատանքի վարձատրության դիմաց իր աշխատողներին վճարելու համար,

- ընդգրկվում են պատրաստի արտադրանքի պաշարներում (զուտ փոփոխությունը),

- օգտագործվում են կազմակերպության սեփական կարիքների համար (ինչպես վերջնական սպառման, այնպես էլ հիմնական միջոցների կուտակման նպատակով):

Հարցաթերթը ստորագրում է կազմակերպության ղեկավարը, ինչպես նաև նշվում է կատարողի (գլխավոր հաշվապահ կամ դրա համար լիազորված այլ աշխատակից) ազգանունն ու հեռախոսի համարը:

Վիճակագրական տեղեկությունների ներկայացման հետ կապված այլ հարցերը կարգավորվում են Հայաստանի Հանրապետության օրենսդրությամբ:

ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԸՆՏՐՈՒԹՅՈՒՆԸ

Արդյունաբերական արտադրանքի գների դիտարկումը կատարվում է արդյունաբերողների արտադրանքի գների ինդեքսի հաշվարկման համար:

Արդյունաբերական արտադրանքի գների փոփոխության դիտարկումն իրականացվում է ընտրանքային կարգով ընտրված արդյունաբերության ոլորտի բազային կազմակերպությունների տվյալների հիման վրա:

Բազային կազմակերպությունների ընտրությունը կատարվում է Հայաստանի Հանրապետության ազգային վիճակագրական ծառայության կողմից:

Դիտարկվող կազմակերպությունների ցանկում ներառում են արդյունաբերության այս կամ այն ոլորտի արտադրության ծավալում որոշակի կշիռ ունեցող կազմակերպությունները:

ԱՐՏԱԴՐԱՆՔ-ՆԵՐԿԱՅԱՑՈՒՑԻՉՆԵՐԻ ԸՆՏՐՈՒԹՅՈՒՆԸ

Գների դիտարկման համար արտադրանք-ներկայացուցիչներն ընտրվում են հետևյալ սկզբունքներով.

- արտադրանքը պետք է ներկայացուցչական լինի տվյալ ապրանքախմբի արտադրության ընդհանուր ծավալում,

- գների գրանցման ժամանակ պետք է հաշվի առնել ինչպես արտադրանքի (տեսականու) նշանակությունը (օրինակ` կոշիկ - մանկական, կանանց, տղամարդկանց, ճտքավոր, կիսաճտքավոր, ամառային, ձմեռային), այնպես էլ օգտագործված հումքի տեսակը` բնական կաշվից, արհեստական կաշվից և այլն,

- եթե կազմակերպությունում երկու և ավելի տիպի արտադրանք կա, որոնք գերակշռում են ընդհանուր թողարկման ծավալում, ապա անհրաժեշտ է դիտարկել բոլորը,

- եթե անհնարին է առանձնացնել արտադրատեսակներն առանձին տարատեսակներով, ապա կարելի է անվանացանկի մեջ ներգրավել միատիպ ապրանքային ենթախմբեր, որտեղ առանձին արտադրատեսակների գների տատանումը հնարավորին չափ փոքր է և ապրանքային ենթախմբերի մեջ մտնող առանձին արտադրատեսակների կառուցվածքային տեղաշարժերը արտադրության ծավալում ևս չեն ազդում ապրանքային ենթախմբի գնի դինամիկայի վրա,

- ապրանքային խմբի ապախոշորացումը կատարվում է այն հաշվարկով, որպեսզի միատիպ ապրանքային ենթախմբերում առանձին ապրանքատեսակների գների տատանումը լինի նվազագույն,

- եթե արտադրությունը բավական արագ է նորացվում (օրինակ` ներքնազգեստի արտադրություն, կոշկեղենի արտադրություն և այլն), ապա արտադրանք-ներկայացուցիչների խմբի մեջ ներառվում են ոչ թե կոնկրետ արտադրատեսակներ, այլ փոքր, միատարր ապրանքային ենթախմբեր` միանման գնային մակարդակով:

ԼՐԱՑՄԱՆ ԿԱՐԳԸ

Թողարկված արտադրանքի արժեքը գնահատվում է հաշվետու ժամանակահատվածի շուկայական (բացթողման) գներով, որոնք հաշվարկվում են`

- առանց ավելացված արժեքի և ակցիզային հարկերի,

- ներառյալ սուբսիդիաները:

Գների գրանցման (հաշվարկման) պարագայում կարևոր է, որ

- գրանցվող (հաշվարկվող) գնի կազմում չներառվեն արտադրության գնից բարձր կազմակերպության լրացուցիչ ծախսերը (տրանսպորտային, ապահովագրական և այլ ծախսեր),

- հաշվետու ժամանակաշրջանում թողարկված, բայց չիրացված (կազմակերպության սեփական կարիքների համար նախատեսված, պատրաստի արտադրանքի պաշարները համալրած) արտադրատեսակների գինը որոշվի հաշվետու ժամանակաշրջանում նմանատիպ արտադրատեսակի շուկայական գնով:

Ընտրված արտադրանք-ներկայացուցիչների գրանցումը (հաշվարկը) հարցաթերթում կատարվում է յուրաքանչյուր ամսվա համար: Գրանցվում է արտադրատեսակի անվանումը, հակիրճ բնութագիրը, չափի միավորը, յուրաքանչյուր ամսում թողարկված արտադրանքը բնաիրային և արժեքային արտահայտությամբ, միջին հաշվարկային գինը, որը հաշվարկվում է թողարկված արտադրանքի ծավալը (սյունակ 2) բաժանելով արտադրանքի քանակին բնաիրային արտահայտությամբ (սյունակ 1):

Ամբողջությամբ կամ մասամբ պատվիրատուի հումքով աշխատող կազմակերպությունները որպես առանձին արտադրատեսակ` հումքի և հումքի մշակման ծառայության` տոլինգային ծառայության (այսուհետ` ծառայություն) մասով պետք է լրացնեն.

1. պատվիրատուի հումքի յուրաքանչյուր տեսակի վերաբերյալ`

- «անվանումը» տողում նշել «հումք» բառը և պատվիրատուի հումքի տեսակը,

- «հակիրճ բնութագիրը» տողում` տվյալ հումքի տեսակի հակիրճ բնութագիրը,

- «չափի միավորը» տողում` տվյալ ապրանքի (հումքի) չափման միավորը (գծամետր, կարատ և այլն),

- սյունակ 1-ում` ապրանքի (հումքի) քանակը (ըստ չափման միավորների),

- սյունակ 2-ում` տվյալ քանակին համապատասխանող ապրանքի (հումքի) փաստացի ծավալը (առանց ավելացված արժեքի և ակցիզային հարկերի) դրամային արտահայտությամբ,

- սյունակ 3-ում` մեկ միավոր ապրանքի (հումքի) միջին կշռված գինը:

2. Ըստ յուրաքանչյուր արտադրատեսակի պատվիրատուի հումքի մշակման ծառայության վերաբերյալ`

- «անվանում» տողում` ծառայության տեսակը,

- «հակիրճ բնութագիրը» տողում` ծառայության այդ տեսակի հակիրճ բնութագիրը,

- «չափի միավորը» տողում` մատուցված տվյալ ծառայության դիմաց վճարման համար հիմք հանդիսացող պայմանագրով նախատեսած չափման միավորը (կարած բաճկոններ` հատ, կոշիկներ` զույգ, տաբատներ` հատ, մշակված ադամանդ` կարատ և այլն),

- սյունակ 1-ում` մատուցած ծառայության փաստացի քանակը (ըստ չափման միավորների),

- սյունակ 2-ում` այդ քանակին համապատասխանող մատուցած ծառայությունների փաստացի ծավալը (առանց ավելացված արժեքի և ակցիզային հարկերի, ներառյալ սուբսիդիաները) դրամային արտահայտությամբ,

- սյունակ 3-ում` մեկ միավոր մատուցված ծառայության միջին կշռված գինը:

Սեփական հումքով արտադրանքի թողարկման դեպքում դիտարկման հարցաթերթում գրանցումը կատարվում է տվյալ արտադրանքի թողարկման ամբողջական արժեքով` ներառյալ հումքի արժեքը:

Ելնելով թողարկման միջին ամսական ցուցանիշներից կատարվում է հաշվարկ տարվա համար ըստ հետևյալ օրինակի:

Օրինակ - ենթադրենք, տվյալ ամսվա ընթացքում թողարկվել է արտադրանք` կաուստիկ սոդա երեք խմբաքանակով և ձևավորվել են հետևյալ գները.

Ըստ այդմ, ձևավորված միջին կշռված ամսական գինը հաշվարկվում է հետևյալ կերպ.

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ  ՊԵՏԱԿԱՆ ՎԻՃԱԿԱԳՐԱԿԱՆ ԴԻՏԱՐԿՄԱՆ ՀԱՐՑԱԹԵՐԹ

ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԹՈՂԱՐԿՎԱԾ ԱՐՏԱԴՐԱՆՔԻ ԳՆԵՐԻ ՀԱՇՎԱՌՄԱՆ ՄԱՍԻՆ
200-թ. համար
(տվյալները լրացվում են առանց ավելացված արժեքի և ակցիզային հարկերի)