Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 34-րդ կետը, 12-րդ հոդվածի 1-ին մասը,

1. Հաստատել`

1 ) Վերարտադրողականության դոնորի վերաբերյալ գրանցամատյանի ձևը, համաձայն հավելված N 1-ի:

2) Դոնորական սաղմերի վերաբերյալ գրանցամատյանի ձևը, համաձայն հավելված N 2-ի:

2. Սույն հրամանով հաստատված գրանցամատյանները լրացվում են էլեկտրոնային եղանակով` վերարտադրողական օժանդակ տեխնոլոգիաների կիրառմամբ բժշկական օգնություն և սպասարկում իրականացնող բժշկական կազմակերպությունների կողմից, ընդ որում

1) հավելված 1-ով հաստատված գրանցամատյանը լրացվում է ինքնաշխատ եղանակով` վերարտադրողականության դոնորի վերաբերյալ էլեկտրոնային առողջապահության համակարգ մուտքագրված տեղեկատվության հիման վրա,

2) հավելված 2-ով հաստատված գրանցամատյանը լրացվում է բժշկական կազմակերպության կողմից դոնորական սաղմի տնօրինումը ստանձնելուց հետո` ծածկագրավորված սաղմի կենսաբանական ծնողների (վերարտադրողականության դոնորների), ռեցիպիենտների, սաղմերի վերաբերյալ էլեկտրոնային առողջապահության համակարգ ամբողջական տեղեկատվությունը ներբեռնելու միջոցով:

3. Սույն հրամանը ուժի մեջ է մտնում պաշտոնական հրապարակմանը հաջորդող տասներորդ օրը:

Պաշտոնական հրապարակման օրը՝ 31 հոկտեմբերի 2022 թվական: