ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

ԱՅՆ ԶԳԱՅՈՒՆ ԱՊՐԱՆՔՆԵՐԻ ՑԱՆԿԻ ՄԱՍԻՆ, ՈՐՈՆՑ ՆԿԱՏՄԱՄԲ ՆԵՐՄՈՒԾՄԱՆ ՄԱՔՍԱՏՈՒՐՔԵՐԻ ԴՐՈՒՅՔԱՉԱՓԵՐԻ ՓՈՓՈԽՈՒԹՅՈՒՆՆԵՐԻ ՎԵՐԱԲԵՐՅԱԼ ՈՐՈՇՈՒՄՆ ԸՆԴՈՒՆՎՈՒՄ Է ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ԿՈՂՄԻՑ

«Եվրասիական տնտեսական միության մասին» 2014 թվականի մայիսի 29-ի պայմանագրի 45-րդ հոդվածին համապատասխան՝ Եվրասիական տնտեսական բարձրագույն խորհուրդը որոշեց՝

1. Հաստատել կից ներկայացվող այն զգայուն ապրանքների ցանկը, որոնց նկատմամբ ներմուծման մաքսատուրքերի դրույքաչափերի փոփոխությունների վերաբերյալ որոշումն ընդունվում է Եվրասիական տնտեսական հանձնաժողովի խորհրդի կողմից։

2. Սահմանել, որ սույն Որոշմամբ հաստատված ցանկի ակտուալացումն իրականացվում է Եվրասիական տնտեսական հանձնաժողովի կողմից՝ հաշվի առնելով Եվրասիական տնտեսական միության արտաքին տնտեսական գործունեության միասնական Ապրանքային անվանացանկի փոփոխությունները։

3. Ուժը կորցրած համարել՝

Եվրասիական տնտեսական համայնքի Միջպետական խորհրդի (Մաքսային միության բարձրագույն մարմնի)՝ 2009 թվականի նոյեմբերի 27-ի «Բելառուսի Հանրապետության, Ղազախստանի Հանրապետության եւ Ռուսաստանի Դաշնության մաքսային միության միասնական մաքսասակագնային կարգավորման մասին» թիվ 18 որոշման 2-րդ կետի յոթերորդ պարբերությունը.

Եվրասիական տնտեսական բարձրագույն խորհրդի՝ 2011 թվականի դեկտեմբերի 19-ի «ԵվրԱզԷՍի Միջպետխորհրդի (Մաքսային միության բարձրագույն մարմնի) առանձին որոշումներում պետությունների ղեկավարների մակարդակով փոփոխություններ կատարելու մասին» թիվ 17 որոշումը.

Եվրասիական տնտեսական միության բարձրագույն խորհրդի՝ 2012 թվականի դեկտեմբերի 19-ի «Այն զգայուն ապրանքների ցանկում փոփոխություններ կատարելու մասին, որոնց նկատմամբ ներմուծման մաքսատուրքերի դրույքաչափերի փոփոխությունների վերաբերյալ որոշումը Մաքսային միության հանձնաժողովն ընդունում է կոնսենսուսով» թիվ 25 որոշումը.

Եվրասիական տնտեսական բարձրագույն խորհրդի՝ 2013 թվականի դեկտեմբերի 24-ի «Այն զգայուն ապրանքների ցանկում փոփոխություններ կատարելու մասին, որոնց նկատմամբ ներմուծման մաքսատուրքերի դրույքաչափերի վերաբերյալ փոփոխություններն ընդունվում են Եվրասիական տնտեսական հանձնաժողովի խորհրդի կողմից» թիվ 59 որոշումը.

Եվրասիական տնտեսական բարձրագույն խորհրդի՝ 2014 թվականի հոկտեմբերի 10-ի «Այն զգայուն ապրանքների ցանկում փոփոխություններ կատարելու մասին, որոնց նկատմամբ ներմուծման մաքսատուրքերի դրույքաչափերի փոփոխությունների վերաբերյալ որոշումն ընդունվում է Եվրասիական տնտեսական հանձնաժողովի խորհրդի կողմից» թիվ 87 որոշումը։

ՑԱՆԿ

զգայուն ապրանքների, որոնց նկատմամբ ներմուծման մաքսատուրքերի դրույքաչափերի փոփոխությունների վերաբերյալ որոշումն ընդունվում է Եվրասիական տնտեսական հանձնաժողովի խորհրդի կողմից