ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 փետրվարի 1995 թ. N 94

Քաղ. Երևան

ԵՐԵՎԱՆԻ «ՀՐՈՒՇԱԿԵՂԵՆԻ-ՄԱԿԱՐՈՆԻ ԿՈՄԲԻՆԱՏ» ՊԵՏԱԿԱՆ ՁԵՌՆԱՐԿՈՒԹՅՈՒՆԸ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՁԵՎՈՎ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սեփականաշնորհել Երևանի «Հրուշակեղենի-մակարոնի կոմբինատ» պետական ձեռնարկությունը Երևանի «Հրուշակեղեն-մակարոն» բաց բաժնետիրական ընկերություն ստեղծելու միջոցով:

2. Սեփականաշնորհել Երևանի «Հրուշակեղենի-մակարոնի կոմբինատ» պետական ձեռնարկությունն իր առանձնացված ստորաբաժանումներով:

3. Հայաստանի Հանրապետության պարենի և մթերումների նախարարությունը` ՀՀ օրենսդրությամբ սահմանված կարգով հանել Երևանի «Հրուշակեղենի-մակարոնի կոմբինատ» պետական ձեռնարկության կազմից Գորիսի «Հայհրուշակ» դուստր ձեռնարկությունը և հանձնել Հայաստանի Հանրապետության պարենի և մթերումների նախարարության տնօրինությանը:

4. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին առաջարկություն ներկայացնել Գորիսի «Հայհրուշակ» դուստր ձեռնարկությունն օրենսդրությամբ սահմանված կարգով սեփականաշնորհելու մասին:

5. Ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց:

6. Սահմանել ընկերության նախնական կանոնադրական հիմնադրամը 865926 հազ. դրամ, որից ազատ բաժանորդագրության ենթակա մասը` 692740 հազ. դրամ:

7. Ընկերության նախնական կանոնադրական հիմնադրամի ազատ բաժանորդագրության ենթակա մասը համապատասխանում է 69274 բաժնետոմսի, յուրաքանչյուրը 10000 դրամ անվանական արժեքով:

8. Սահմանել, որ Երևանի «Հրուշակեղենի-մակարոն» ԲԲԸ-ն աշխատավորական կոլեկտիվի անդամներին վերապահված բաժնետոմսերի բաժանորդագրությունը սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում է մեկ ամսվա ընթացքում:

9. Սահմանել, որ Երևանի «Հրուշակեղեն-մակարոն» բաց բաժնետիրական ընկերության բաժնետոմսերի բաժանորդագրությունը սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում է արժեթղթերի թողարկման ազդագրում նշված ժամկետում:

10. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

12. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը` սահմանված կարգով Հայխնայբանկում բացել ընկերության ժամանակավոր հաշիվը և ազդագրի հրապարակումից հետո` 10-օրյա ժամկետում սկսել բաժանորդագրությունը: