ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 2016 ԹՎԱԿԱՆԻ ՀՈՒՆՎԱՐԻ 8-Ի ԹԻՎ 2-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների պահանջները և ղեկավարվելով Հայաստանի Հանրապետության վարչապետի 2018 թվականի հունիսի 11-ի N 743-Լ որոշման հավելվածի 18-րդ կետի 20-րդ ենթակետով՝

1. Հայաստանի Հանրապետության ֆինանսների նախարարի 2016 թվականի հունվարի 8-ի «Հայաստանի Հանրապետության հանրային հատվածի կազմակերպությունների ակտիվների և պարտավորությունների պարտադիր գույքագրման անցկացման կարգը և ժամկետները սահմանելու մասին» թիվ 2-Ն հրամանի 1-ին կետով սահմանված հավելվածում (այսուհետ՝ Հավելված) կատարել հետևյալ փոփոխությունները և լրացումները․

1) Հավելվածի 3-րդ բաժնի 43-րդ, 47-րդ, 50-րդ, 52-րդ և 54-րդ կետերում «բաժինը» բառը փոխարինել «գլուխը» բառով։

2) Հավելվածի 2-րդ բաժնի 26-րդ կետից հետո լրացնել նոր՝ 26․1-րդ կետ՝ հետևյալ բովանդակությամբ՝

«26.1 Սույն բաժնում սահմանված ընդհանուր կանոնները չեն տարածվում սույն կարգի 3․14-րդ գլխի վրա։»։

3) Հավելվածի 3-րդ բաժնի 3․13-րդ գլխից հետո լրացնել նոր՝ 3․14-րդ գլխով՝ հետևյալ բովանդակությամբ՝

«3․14․ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԱԿՏԻՎՆԵՐԻ ԳՈՒՅՔԱԳՐՈՒՄԸ

77.1. Սույն գլխի իմաստով տեղեկատվական տեխնոլոգիաների (այսուհետ՝ ՏՏ) ակտիվ են համարվում այն բոլոր նյութական և ոչ նյութական ռեսուրսները, որոնք օգտագործվում են կազմակերպության տեղեկատվական համակարգերում՝ տվյալների մշակման, պահպանման, փոխանցման կամ պաշտպանության նպատակով։ Դրանք կարող են լինել, օրինակ՝ սերվերներ, ցանցային սարքավորումներ, աշխատակայաններ, կրիչներ, ծրագրային ապահովումներ (օպերացիոն համակարգեր, հավելվածներ, ծրագրեր, կայքէջեր), տվյալներ (օգտատերերի գրառումներ, գրանցամատյաններ), ինչպես նաև ծառայություններ, որոնք ուղղակիորեն ներգրավված են այդ ակտիվների կիրառման գործընթացում։

77.2. ՏՏ ակտիվների գույքագրման գործընթացն ենթադրում է կազմակերպություններում առկա ՏՏ ռեսուրսների ամբողջական հաշվառում՝ համաձայն միջազգային ստանդարտների (ԻՍՕ/ԻԵԿ 27001 - Տեղեկատվական տեխնոլոգիաներ Անվտանգության ապահովման մեխանիզմներ, Տեղեկատվական անվտանգության կառավարման համակարգեր, Պահանջներ, «ՍիԱյԷս» (CIS) 8.1 պահանջներ) և ՀՀ օրենսդրությամբ սահմանված պահանջների։

77.3. Սույն գլխի համաձայն ՏՏ ակտիվները ենթակա են պարտադիր գույքագրման յուրաքանչյուր կիսամյակ՝ մինչև տվյալ կիսամյակին հաջորդող ամսվա ավարտը։ Կազմակերպություններում ՏՏ ակտիվների գույքագրումն իրականացվում է ի լրումն սույն կարգի 3․1-3․13 գլուխներով նախատեսված ակտիվների գույքագրումների։

77.4. ՏՏ ակտիվների գույքագրումը և գույքագրման արդյունքները փաստաթղթավորվում են «Օպերացիոն համակարգերի, ծրագրային ապահովումների, կայքերի, տվյալների բազաների գույքագրման ցուցակով» (օրինակելի ձև Գ-22.1) և «Ցանցային սարքավորումների, սերվերների (ներառյալ՝ վիրտուալ մեքենա), համակարգիչների գույքագրման ցուցակով» (օրինակելի ձև Գ-22.2)։ Օպերացիոն համակարգերի, ծրագրային ապահովումների, կայքերի, տվյալների բազաների գույքագրման ցուցակում ներառվում են ծրագրային ապահովումներ (օրինակ՝ օպերացիոն համակարգեր, կիրառական ծրագրեր, հավելվածներ, վեբկայքեր), տվյալներ (օրինակ՝ օգտատերերի գրառումներ, գրանցամատյաններ, տվյալների բազաներ), ինչպես նաև մատուցվող թվային ծառայությունների հարթակներ։ Ցանցային սարքավորումների, սերվերների (ներառյալ՝ վիրտուալ մեքենա), համակարգիչների գույքագրման ցուցակում ներառվում են ֆիզիկական ենթակառուցվածքի տարրեր՝ սերվերներ, աշխատակայաններ (համակարգիչ, դյուրակիր համակարգիչ), ցանցային սարքավորումներ (երթուղիչ (router), անջատիչ (switch), հրապատ (firewall) և այլն), տվյալների կրիչներ (կոշտ կրիչ (SSD), արտաքին հիշողության այլ կրիչներ) և պահեստային էլեկտրոնային սարքեր։

77.5. Գույքագրման ցուցակները պատրաստվում և լրացվում են կազմակերպության ՏՏ կառավարման և սպասարկման գործառույթներն իրականացնող ստորաբաժանման կամ ՏՏ կառավարման և սպասարկման գործառույթները պայմանագրային հիմունքներով իրականացնող իրավաբանական անձի, անհատ ձեռնարկատիրոջ և (կամ) համապատասխան գործառույթներ իրականացնող այլ ստորաբաժանման (այսուհետ՝ ՏՏ ստորաբաժանում) կողմից։ Ձև Գ-22․1-ի և Գ-22.2 բոլոր էջերի «Ռիսկայնության աստիճան» սյուները լրացվում են ՏՏ ստորաբաժանման կողմից տրամադրված տեղեկատվության հիման վրա։ «Ակտիվների կարևորություն» սյունակում լրացվում է «Ռիսկայության աստիճան» սյունակի «ՍիԱյԷյ» (CIA) ենթասյունակների թվային հանրագումարը, որտեղ H=3, M=2, L=1:

77.6. Գույքագրման ընթացքում ստուգվում է յուրաքանչյուր ակտիվի նույնականացման տվյալների ճշգրտությունը և համապատասխանությունը հաշվառման գրառումներին։ ՏՏ ակտիվների գույքագրման ընթացքում համադրվում են ակտիվի նույնականացման տվյալները՝ ներառյալ սերիական համարը, գույքային կամ գույքագրման համարը, ինչպես նաև այդ գույքի տարատեսակն առանձնացնող տվյալները (օրինակ՝ ինտերնետային հաղորդակարգ (IP) և մուտքի վերահսկողության (MAC) հասցեն՝ ցանցային ակտիվ սարքավորման համար, կամ լիցենզիայի բանալին՝ ծրագրային ապահովման համար), ՏՏ ակտիվների առկա ցուցակում կամ կազմակերպության ներսում կիրառվող այլ հաշվառման համակարգերում առկա գրառումներին։ Շեղումների հայտնաբերման դեպքում դրանք գրանցվում են, իրականացվում են համապատասխան ճշգրտումներ ՏՏ ստորաբաժանման կողմից։ Չհաշվառված կամ ոչ նույնականացված ակտիվների հայտնաբերման դեպքում նախաձեռնվում է դրանց ճշգրտում և գույքագրման ցուցակի վերանայում։

77.7. Գույքագրման ընթացքում ստուգվում է նաև ակտիվների օգտագործման իրավունքը հավաստող փաստաթղթերի առկայությունը, դրանց վավերականությունը, այդ թվում՝ գնման պայմանագրերի, ծրագրային ապահովման լիցենզիաների, ծառայությունների մատուցման պայմանագրերի (Service Level Agreement) և երրորդ կողմերի ներգրավման համաձայնագրերի առկայությունը։ Բացակայող կամ անհամապատասխան փաստաթղթերի առկայության դեպքում իրականացվում են միջոցառումներ՝ նշված շեղումները վերացնելու համար։»:

4) Հավելվածի Ձև Գ-22-ից հետո լրացնել նոր՝ Ձև Գ-22․1-ով և Ձև Գ-22․2-ով՝ համաձայն սույն հրամանի հավելվածի։

2. Սահմանել, որ տեղեկատվական տեխնոլոգիաների ակտիվների՝ սույն հրամանով սահմանված պահանջներին համապատասխան առաջին գույքագրումը հանրային հատվածի կազմակերպությունների կողմից անցկացվում է 2026 թվականի առաջին կիսամյակի համար։

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

«Ձև Գ-22․1»

Օպերացիոն համակարգերի, ծրագրային ապահովումների, կայքերի, տվյալների բազաների գույքագրման ցուցակ N_________

Գույքագրումն սկսելու ամսաթիվը _____________ Գույքագրումն ավարտելու ամսաթիվը _____________

Մեկնաբանություններ.

*«CIA» հապավումն արտացոլում է Տեղեկատվական անվտանգության պահանջները՝ գաղտնիությունը (Confidentiality), ամբողջականությունը (Integrity), հասանելիությունը (availabaility)։

1. Գաղտնիություն