ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2026 թվականի հունվարի 20-ին
«ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հոդված 1․ «Գույքի նկատմամբ իրավունքների պետական գրանցման մասին» 1999 թվականի ապրիլի 14-ի ՀՕ-295 օրենքի 11-րդ հոդվածի 7-րդ մասում «հատուկ կացության կարգավիճակի ժամկետը լրացած կամ այդ կարգավիճակից զրկված» բառերը փոխարինել «Հայաստանի Հանրապետությանը բացառիկ ծառայություններ մատուցելու հիմքով մշտական կացության կարգավիճակի ժամկետը լրացած կամ այդ կարգավիճակն ուժը կորցրած կամ անվավեր ճանաչված» բառերով։
Հոդված 2․
1․ Սույն օրենքն ուժի մեջ է մտնում 2026 թվականի նոյեմբերի 1-ից։
2․ Մինչև սույն օրենքն ուժի մեջ մտնելը գործող հատուկ կացության կարգավիճակի վերաբերյալ կարգավորումները շարունակում են գործել մինչև օտարերկրացիներին տրված հատուկ կացության կարգավիճակի ժամկետի ավարտը։
|
Հանրապետության նախագահ |
Վ. Խաչատուրյան |
|
2026 թ. փետրվարի 12 Երևան ՀՕ-15-Ն |
Պաշտոնական հրապարակման օրը՝ 13 փետրվարի 2026 թվական:
