ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 մայիսի 2026 թվականի N 662-Ն

ԿԻԲԵՌԱՆՎՏԱՆԳՈՒԹՅԱՆ ՈԼՈՐՏՈՒՄ ԿԻՐԱՌԵԼԻ ՄԻՋԱԶԳԱՅԻՆ ՍՏԱՆԴԱՐՏՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Կիբեռանվտանգության մասին» օրենքի 17-րդ հոդվածի 2-րդ մասը, 19-րդ հոդվածի 4-րդ մասը, 20-րդ հոդվածի 2-րդ մասը` Հայաստանի Հանրապետության կառավարությունը որոշում է.

1. Սահմանել՝

1) կենսական նշանակության ոլորտում շահագործվող կրիտիկական տեղեկատվական ենթակառուցվածքների նկատմամբ կիրառելի միջազգային ստանդարտների ցանկը` համաձայն N 1 հավելվածի.

2) կիբեռանվտանգության ապահովման ծառայություն մատուցողների նկատմամբ կիրառելի միջազգային ստանդարտների ցանկը` համաձայն N 2 հավելվածի.

3) կիբեռանվտանգության աուդիտի նկատմամբ կիրառելի միջազգային ստանդարտների ցանկը` համաձայն N 3 հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 14 մայիսի 2026 թվական: