«Գրանցված է»

ՀՀ արդարադատության

նախարարության կողմից

27 հոկտեմբերի 2017 թ.

Պետական գրանցման թիվ 10017424

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

 

18 հոկտեմբերի 2017թ.

N 45-Ն

 

Հ Ր Ա Մ Ա Ն

(հրամանը խմբ. 29.06.26 N 47-Ն)

 

ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ ԵՎ ԱՅԼ ՊԱՅՄԱՆՆԵՐՈՎ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՉԱՓՈՐՈՇԻՉԸ ՀԱՍՏԱՏԵԼՈՒ ՄԱՍԻՆ

(վերնագիրը խմբ. 29.06.26 N 47-Ն)

 

Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 33-րդ կետը`

 

ՀՐԱՄԱՅՈՒՄ ԵՄ

 

1. Հաստատել` բնակչության առողջության պահպանման և բարելավման ծրագրերի շրջանակներում և այլ պայմաններով պալիատիվ բժշկական օգնության և սպասարկման կազմակերպման և իրականացման չափորոշիչը` համաձայն հավելվածի:

 

29.06.2026

Ա. ԱվանեսՅԱՆ

 

Հավելված ՀՀ առողջապահության նախարարի 2017 թվականի հոկտեմբերի 18-ի N 45-Ն հրամանի

 

ՉԱՓՈՐՈՇԻՉ

ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ ԵՎ ԱՅԼ ՊԱՅՄԱՆՆԵՐՈՎ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն չափորոշչով կարգավորվում են բնակչության առողջության պահպանման և բարելավման ծրագրերի շրջանակներում Հայաստանի Հանրապետության քաղաքացի հանդիսացող ռեզիդենտ բնակչությանը և այլ պայմաններով պալիատիվ բժշկական օգնության և սպասարկման կազմակերպման և իրականացման հետ կապված հարաբերությունները:

2. Պալիատիվ բժշկական օգնությունը և սպասարկումը կազմակերպվում է արտահիվանդանոցային կամ հիվանդանոցային պայմաններում պալիատիվ բժշկական օգնության և սպասարկման տեսակի լիցենզիա ունեցող բժշկական օգնություն և սպասարկում իրականացնող կազմակերպություններում (այսուհետ` բժշկական կազմակերպություն):

3. Պալիատիվ բժշկական օգնությունը և սպասարկումը տրամադրվում է կյանքին վտանգ սպառնացող և անբուժելի հիվանդություն ունեցող յուրաքանչյուր պացիենտի և նպատակ ունի մեղմելու պացիենտի ցավը, տառապանքը և հիվանդության հետ կապված ֆիզիկական, սոցիալ-հոգեբանական և այլ խնդիրները, ինչպես նաև ուղղված է պացիենտի (մեծահասակների և երեխաների) և նրա ընտանիքի կյանքի որակը բարելավմանը:

4. Պալիատիվ բժշկական օգնությունը և սպասարկումը տրամադրվում է.

1) Հայաստանի Հանրապետության քաղաքացի հանդիսացող ռեզիդենտ բնակչությանը.

2) վճարովի հիմունքներով կամ ՀՀ օրենսդրությամբ չարգելված այլ աղբյուրներից: Պալիատիվ բժշկական օգնության և սպասարկման վճարովի ծառայությունների գները հաստատում են բժշկական օգնություն և սպասարկում իրականացնողները: Վճարովի հիմունքներով պալիատիվ բժշկական օգնություն և սպասարկում մատուցելու դեպքում բժշկական օգնություն և սպասարկում իրականացնողի և պացիենտի կամ նրա օրինական ներկայացուցչի կամ ընտանիքի որևէ անդամի միջև կնքվում է վճարովի բժշկական ծառայությունների մատուցման պայմանագիր:

5. Բնակչության առողջության պահպանման և բարելավման ծրագրերի շրջանակներում Հայաստանի Հանրապետության քաղաքացի հանդիսացող ռեզիդենտ բնակչությանը պալիատիվ բժշկական օգնության և սպասարկման շրջանակներում դեղերը հատկացվում են Հայաստանի Հանրապետության օրենսդրությամբ սահմանված կարգով:

6. Պալիատիվ բժշկական օգնությունն ու սպասարկումն իրականացվում է բազմամասնագիտական թիմի կողմից, որն ընդգրկում է ավագ բուժաշխատող (այսուհետ` բժիշկ), միջին բուժաշխատող (այսուհետ` բուժքույր) և բժշկական ցուցման դեպքում նաև այլ նեղ մասնագետներ, հոգեբան, սոցիալական աշխատող, հոգևորական, կամավոր: Պացիենտը, նրա օրինական ներկայացուցիչը կամ կոնտակտային անձը նույնպես կարող են ընդգրկվել բազմամասնագիտական թիմի աշխատանքներում իր առողջությանը վերաբերող որոշումների կայացմանը մասնակցելու, տեղեկացված համաձայնության իրավունքի իրացման, ինչպես նաև պացիենտակենտրոն պալիատիվ բժշկական օգնության ու սպասարկման ապահովման նպատակով։

7. Հիվանդանոցային պայմաններում պալիատիվ բժշկական օգնություն և սպասարկում իրականացնող կազմակերպություններում, այդ թվում նաև հոսպիսներում սոցիալական աշխատողի և հոգեբանի առկայությունը բազմամասնագիտական թիմում պարտադիր է:

8. Պալիատիվ բժշկական օգնության և սպասարկման տրամադրման համար պացիենտի կարիքի գնահատումն իրականացվում է պալիատիվ բժշկական օգնության և սպասարկման բազմամասնագիտական թիմի կողմից` Հայաստանի Հանրապետության առողջապահության նախարարի հրամանով հաստատված կլինիկական ուղեցույցներին համապատասխան:

9. Պալիատիվ բժշկական օգնության և սպասարկման տրամադրման պահից սկսած կատարվում է պալիատիվ բժշկական օգնության և սպասարկման անցնելու վերաբերյալ գրանցում պացիենտի բժշկական փաստաթղթերում և պացիենտը հսկվում է պալիատիվ բժշկության մասնագետի կողմից:

10. 18 տարեկան և բարձր տարիքի պացիենտի վարման համար պալիատիվ բժշկական օգնության և սպասարկման շրջանակներում կիրառվում է «Բնակչության առողջության պահպանման և բարելավման ծրագրերի շրջանակներում և այլ պայմաններով պալիատիվ բժշկական օգնության և սպասարկման շրջանակներում կիրառվող 18 տարեկան և բարձր տարիքի պացիենտի վարման քարտ»` համաձայն սույն չափորոշչի Ձև 1-ի: Սույն կետով սահմանված քարտի ձևը էլեկտրոնային եղանակով վարելու կամ վերջինս արտատպելու դեպքում` կարող է տարբերվել սույն հրամանով հաստատված թղթային եղանակով լրացվող քարտի ձևից` ապահովելով դրանով սահմանված տեղեկատվության լրացումը:

11. Պալիատիվ բժշկական օգնությունն և սպասարկումն իրականացվում է շաբաթական 7 օր, 24 ժամ սկզբունքով: Առողջության առաջնային պահպանման ծառայություններ մատուցող բժշկական կազմակերպություններում (այսուհետ` ԱԱՊ բժշկական կազմակերպություն) պալիատիվ բժշկական օգնության ծառայությունները մատուցվում են տվյալ կազմակերպության աշխատանքային ժամերի ընթացքում, այդ թվում նաև տնային կանչերի միջոցով։

 

2. ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԻՐԱԿԱՆԱՑՄԱՆ ՊԱՅՄԱՆՆԵՐԸ

 

12. Պալիատիվ բժշկական օգնության և սպասարկման իրականացման պայմաններն են`

1) արտահիվանդանոցային պալիատիվ բժշկական օգնություն և սպասարկում. իրականացվում է ԱԱՊ բժշկական կազմակերպություններում` բազմամասնագիտական թիմի կողմից (շուրջօրյա բժշկական հսկողություն և բուժում չնախատեսող դեպքերում).

2) հիվանդանոցային (ստացիոնար) պայմաններում պալիատիվ բժշկական օգնություն և սպասարկում. իրականացվում է բազմամասնագիտական թիմի կողմից հիվանդանոցային բժշկական կազմակերպություններում` պալիատիվ բժշկական օգնության բաժանմունքի կամ ծառայության առկայության պայմաններում:

13. Պալիատիվ բժշկական օգնության և սպասարկման իրականացումը ներառում է նաև շարժական (մոբիլ) պալիատիվ բժշկական օգնությունը և սպասարկումը, որն իրականացվում է համապատասխան բազմամասնագիտական շարժական թիմի կողմից այն պացիենտի նկատմամբ, ով անկարող է ինքնուրույն տեղափոխվել կամ տեղափոխումը կապված է դժվարությունների հետ, կամ վերջինիս ցանկությամբ:

14. Պալիատիվ բժշկական օգնություն և սպասարկում հոսպիսում տրամադրվում է բազմամասնագիտական թիմի կողմից հիվանդությունների զարգացման վերջին փուլում գտնվող այն պացիենտներին, որոնց համար անհրաժեշտ է հիվանդանոցային պայմաններում հարատև խնամքի իրականացում:

15. Պալիատիվ բժշկական օգնություն և սպասարկում ստացող պացիենտը կամ պացիենտի օրինական ներկայացուցիչը կամ ընտանիքի որևէ անդամը լրացնում է պացիենտին պալիատիվ բժշկական օգնություն և սպասարկում տրամադրելու համար «Տեղեկացված համաձայնություն»-ը և Հայաստանի Հանրապետության առողջապահության նախարարի 2021 թվականի դեկտեմբերի 06-ի N 88-Ն հրամանի հավելված 15-ով հաստատված «Բժշկական միջամտություն ստանալու կամ դրանից հրաժարվելու վերաբերյալ գրավոր իրազեկված համաձայնության ձև»-ը:

 

3. ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ՍՏԱՑՈՂ ՇԱՀԱՌՈՒՆԵՐԸ

 

16. Պալիատիվ բժշկական օգնությունը և սպասարկումը ցուցաբերվում է կյանքին վտանգ սպառնացող և անբուժելի հիվանդություններ ունեցող պացիենտներին, որոնք բաժանվում են հետևյալ հիմնական խմբերի՝

1) տարբեր չարորակ նորագոյացություններով պացիենտներ,

2) օրգան-համակարգերի անբավարարության դեկոմպենսացիայի փուլում գտնվող պացիենտներ՝ հիվանդության կայունացման հասնելու անհնարինության պայմաններում,

3) թերապևտիկ քրոնիկ հիվանդություններով անբուժելիության փուլում գտնվող պացիենտներ,

4) ուղեղի արյան շրջանառության խանգարման ծանր անդառնալի հետևանքներով պացիենտներ, ովքեր ախտանշանային բուժման և բժշկական օգնության ցուցաբերման ժամանակ խնամքի ապահովման կարիք ունեն,

5) հետվնասվածքային ծանր, անդառնալի հետևանքներով պացիենտներ, ովքեր ախտանշանային բուժման և բժշկական օգնության ցուցաբերման ժամանակ խնամքի ապահովման կարիք ունեն,

6) նյարդային համակարգի դեգեներատիվ հիվանդություններով պացիենտներ,

7) դեմենցիայի տարբեր ձևեր ունեցող պացիենտներ, այդ թվում` անբուժելիության փուլում գտնվող Ալցհեյմերի հիվանդությամբ,

8) ՄԻԱՎ/ՁԻԱՀ-ով, բազմադեղակայուն տուբերկուլոզով, տուբերկուլոզ և ՄԻԱՎ համավարակի դեպքերը,

9) մանկական տարիքին բնորոշ բնածին և ժառանգական հիվանդություններով, զարգացման ծանր խանգարումներով պացիենտներ, որոնց մոտ առաջանում են անդարձելի, կյանքին սպառնացող և կյանքի տևողությունը սահմանափակող վիճակներ՝ բազմաօրգանային խանգարումներ առաջացնող մետաբոլիկ հիվանդություններ, քրոմոսոմային անոմալիաներ, գենետիկ համախտանիշներ, մկանային դիստրոֆիաներ, մանկական ուղեղային կաթվածի ծանր ձևեր, ծանր աուտիզմ և այլն,

10) այն դեպքում, երբ առկա է համապատասխան մասնագիտական եզրակացությունը:

 

4. ԱՐՏԱՀԻՎԱՆԴԱՆՈՑԱՅԻՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐՈՒՄ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԿԱԶՄԱԿԵՐՊՈՒՄ

 

17. Բնակչության պալիատիվ բժշկական օգնությունը և սպասարկումն իրականացվում է ԱԱՊ բժշկական կազմակերպություններում` բազմամասնագիտական թիմի կողմից: Անձը արտահիվանդանոցային պայմաններում պալիատիվ բժշկական օգնություն և սպասարկում ստանալու նպատակով դիմում է իր հաշվառման վայրի ԱԱՊ բժշկական կազմակերպություն: Իր հաշվառման վայրում պալիատիվ բժշկական օգնության և սպասարկման ծառայության բացակայության դեպքում պացիենտը կարող է դիմել այլ բժշկական կազմակերպություն, որտեղ իրականացվում են պալիատիվ բժշկական օգնություն և սպասարկում: Այլ բժշկական կազմակերպություն դիմած պացիենտին լաբորատոր-գործիքային հետազոտություններ իրականացնելու անհրաժեշտության դեպքում վերջինս պալիատիվ կաբինետի բժշկի կողմից տրամադրված տեղեկանքի հիման վրա կարող է դիմել իր ԱԱՊ բժշկական կազմակերպություն, որտեղ կկազմակերպվի համապատասխան հետազոտությունը:

18. ԱԱՊ բժշկական կազմակերպության առողջության առաջնային պահպանման ծառայություններ մատուցող բժիշկը (այսուհետ` ԱԱՊ բժիշկ) պալիատիվ բժշկական օգնության և սպասարկման կարիք ունեցող պացիենտին ուղեգրում է պալիատիվ բժշկական օգնության և սպասարկման կաբինետ:

19. Պալիատիվ բժշկական օգնության և սպասարկման կաբինետի համար սույն չափորոշչով նախատեսված գործառույթների կազմակերպման և անխափան իրականացման պատասխանատուն տվյալ բժշկական կազմակերպության ղեկավարն է:

20. Պալիատիվ բժշկական օգնության և սպասարկման կաբինետում պացիենտների բուժումն իրականացվում է պացիենտի կաբինետ ըստ անհրաժեշտության այցելությամբ՝ համաձայն պալիատիվ բժշկական օգնության և խնամքի անհատական պլանի (այսուհետ` վարման պլան): Ելնելով պացիենտների առողջական վիճակից, տվյալ բժշկական կազմակերպությունում բուժման կազմակերպման անհնարինության դեպքում, պացիենտի բուժումը կարող է իրականացվել նաև տնային այցերի կազմակերպման միջոցով` պալիատիվ բժշկական օգնության և սպասարկման կաբինետի մասնագետների կամ պալիատիվ բժշկական օգնության և սպասարկման շարժական թիմերի միջոցով:

21. Տնային այցերի ժամանակ պացիենտի առաջնային բժշկական զննությունը իրականացվում է պալիատիվ բժշկական օգնության և սպասարկման կաբինետի բժշկի կողմից` բուժքրոջ մասնակցությամբ, իսկ հետագայում պալիատիվ բժշկական օգնության և սպասարկման տրամադրումը շարունակվում է պալիատիվ բժշկական օգնության և սպասարկման կաբինետի բուժքրոջ կողմից (առկայության դեպքում գործընթացին ներգրավելով նաև հոգեբանի և սոցիալական աշխատողի): Տնային այցերի միջոցով բուժման կազմակերպման դեպքում պալիատիվ բժշկական օգնության և սպասարկման կաբինետի բժշկի կողմից այցերն իրականացվում են ելնելով հիվանդության ծանրության աստիճանից:

22. Պալիատիվ բժշկական օգնության և սպասարկման կաբինետի անձնակազմի կողմից իրականացվում է`

1) պացիենտի ընդունելություն,

2) նախնական գնահատում,

3) բժշկական և հոգեսոցիալական գնահատում,

4) վարման պլանի կազմում,

5) պացիենտի վիճակի պարբերաբար վերագնահատում,

6) ըստ անհրաժեշտության պարբերաբար վարման պլանի վերագնահատում,

7) պալիատիվ բժշկական օգնության և սպասարկման իրականացման նկատմամբ հսկողության իրականացում,

8) պացիենտի և նրա օրինական ներկայացուցչի կամ կոնտակտային անձի հետ կապի հաստատում և ուսուցում,

9) պալիատիվ բժշկական օգնության և սպասարկման ցուցաբերման կարիք ունեցող պացիենտների հաշվառման իրականացում,

10) հաշվառման և հաշվետվական փաստաթղթերի վարում, սահմանված կարգով գործունեության մասին հաշվետվության տրամադրում:

23. Արտահիվանդանոցային պալիատիվ բժշկական օգնության և սպասարկման շրջանակում`

1) ԱԱՊ բժշկական կազմակերպության կաբինետի բժիշկն իրականացնում է` պացիենտի բժշկական զննություն և վիճակի գնահատում, վարման պլանի կազմում, ցավի և այլ ախտանիշների կառավարում, ցավազրկող և այլ դեղերի դուրսգրում (այդ թվում նաև օփիոիդային ցավազրկողներ), իսկ վճարովի հիմունքներով պալիատիվ բժշկական օգնության և սպասարկման տրամադրման շրջանակներում նաև դրանց տրամադրում պացիենտին` համաձայն սույն չափորոշչի 4-րդ կետով սահմանված բժշկական ծառայությունների մատուցման պայմանագրի, ընտանիքի անդամների և բուժաշխատողների համար ուսուցման կազմակերպում, ըստ անհրաժեշտության՝ վարման պլանի կազմման գործընթացում մասնագետների ներգրավում, այդ թվում՝ հոգեբանական և սոցիալական ծառայություններ մատուցողներին,

2) ԱԱՊ բժշկական կազմակերպության կաբինետի բուժքույրն իրականացնում է` պացիենտի բժշկական զննություն և վիճակի գնահատում, վարման պլանի կատարում, շարունակական վարում, պացիենտների, նրանց ընտանիքների անդամների և պալիատիվ բժշկական օգնության և սպասարկման բազմամասնագիտական թիմի անդամների միջև հաղորդակցում, պացիենտների և նրանց ընտանիքների ուսուցում,

3) բժշկական ցուցման դեպքում տրամադրվող սոցիալական ծառայությունը (կարող է իրականացվել պայմանագրային հիմունքներով) տրամադրվում է սոցիալական աշխատողի կողմից իրենց մասնագիտական գործառույթների շրջանակներում,

4) բժշկական ցուցման դեպքում տրամադրվող հոգեբանական ծառայությունը (կարող է իրականացվել պայմանագրային հիմունքներով ըստ անհրաժեշտության) տրամադրվում է հոգեբանի կողմից, ովքեր ընդգրկված են վարման պլանի մշակման և իրականացման մեջ` կատարելով պացիենտի հոգեբանական վիճակի գնահատում, աջակցող, խորհրդատվական աշխատանքի իրականացում պացիենտի և իր ընտանիքի անդամների հետ, ինչպես նաև այլ գործառույթներ իրենց մասնագիտական գիտելիքների շրջանակներում,

5) հոգևոր աջակցությունը տրամադրվում է հոգևորականների կողմից:

24. Պալիատիվ բժշկական օգնության և սպասարկման կաբինետի բազմամասնագիտական թիմը պացիենտի և նրա ընտանիքի անդամների հետ մշակում և պարբերաբար վերանայում է վարման պլանը: Պացիենտի և նրա օրինական ներկայացուցչի կամ կոնտակտային անձի համաձայնությունն ամրագրվում է այդ վարման պլանում և ստորագրվում պացիենտի կամ իր անկարողության դեպքում օրինական ներկայացուցչի կամ կոնտակտային անձի կողմից: Վարման պլանը ներառում է` խնդիրների, հնարավորությունների ցանկ, բուժման հրահանգներ, անհրաժեշտ բժշկական սարքավորումների և դեղերի շրջանակները, նախնական և ընթացիկ գնահատման վրա հիմնված թիմային անհրաժեշտ բժշկական միջամտությունները: Վարման պլանը առնվազն ամիսը մեկ անգամ վերանայվում է` պացիենտի վիճակին և հիվանդության առաջընթացին համապատասխան:

25. Պալիատիվ մասնագիտացված հիվանդանոցային պայմաններում բժշկական օգնության և սպասարկման անհրաժեշտության դեպքում պացիենտին ԱԱՊ բժիշկը հիվանդանոցային բժշկական օգնության և սպասարկում ստանալու նպատակով ուղեգրում է Հայաստանի Հանրապետության կառավարության 2025 թվականի դեկտեմբերի 25-ի N 1974-Ն որոշման համաձայն: Նշվածի վերաբերյալ գրառում է կատարվում պացիենտի ամբուլատոր բժշկական քարտում և տրամադրվում է քաղվածք` ամբուլատոր բժշկական քարտից:

26. Այն դեպքում, երբ արտահիվանդանոցային պայմաններում իրականացվող պալիատիվ բժշկական օգնությանը նախորդում է հիվանդանոցային պայմաններում բժշկական օգնությունը և սպասարկումը, ապա հիվանդանոցային բժշկական կազմակերպության կողմից պացիենտին տրամադրվող էպիկրիզում նշում է կատարվում պալիատիվ բժշկական օգնության և սպասարկման ցուցման վերաբերյալ, որն էլ պացիենտը ներկայացնում է արտահիվանդանոցային պալիատիվ բժշկական օգնություն իրականացնող բժշկական կազմակերպություն:

 

5. ՀԻՎԱՆԴԱՆՈՑԱՅԻՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐՈՒՄ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՈՒՄ

 

27. Պալիատիվ բժշկական օգնության և սպասարկման և հարատև խնամքի (կյանքի ավարտի շրջանում` երբ պացիենտի կյանքի ակնկալվող տևողությունը գնահատվում է 6 ամսից պակաս) կարիք ունեցող պացիենտների հիվանդանոցային պայմաններում բժշկական օգնությունը և սպասարկումը իրականացվում է պալիատիվ բժշկական օգնության և սպասարկման գործունեության տեսակի լիցենզիա ունեցող բժշկական կազմակերպություններում և հոսպիսներում:

28. Այն դեպքում, երբ հիվանդանոցային պայմաններում իրականացվող պալիատիվ բժշկական օգնությանն ու սպասարկմանը նախորդում է հիվանդանոցային պայմաններում բժշկական օգնությունը և սպասարկումը, ապա հիվանդանոցային բժշկական կազմակերպության կողմից պացիենտին տրամադրվող էպիկրիզում նշում է կատարվում պալիատիվ բժշկական օգնության և սպասարկման ցուցման վերաբերյալ, որն էլ պացիենտը ներկայացնում է հիվանդանոցային պալիատիվ բժշկական օգնություն և սպասարկում իրականացնող բժշկական կազմակերպություն:

29. Հիվանդանոցային պայմաններում պալիատիվ բժշկական օգնության և սպասարկման շրջանակներն են`

1) պալիատիվ բժշկական օգնության և սպասարկման ցուցաբերում.

2) ցավազրկման կարիք ունեցող պացիենտների համար օփիոիդային ցավազրկող դեղերի նշանակում և տրամադրում.

3) պացիենտի խնամք, այդ թվում` պառկելախոցերի ախտորոշում և բուժում, դրենաժների և ստոմաների խնամք, կերակրում, մասնավորապես` սնուցում զոնդով.

4) հիմնական հիվանդության պրոֆիլի բժիշկ-մասնագետի և այլ նեղ մասնագետների կողմից պացիենտի համար խորհրդատվության կազմակերպում.

5) բժիշկներին ըստ անհրաժեշտության պալիատիվ բժշկական օգնության և սպասարկման հարցերով խորհրդատվության տրամադրում.

6) համագործակցություն սոցիալական ծառայություններ տրամադրող տարածքային մարմինների կամ կազմակերպությունների հետ` Հայաստանի Հանրապետության կառավարության 2015 թվականի սեպտեմբերի 10-ի N 1044-Ն որոշման համաձայն.

7) պացիենտների, նրանց ընտանիքի անդամների և խնամք իրականացնող անձանց համար խնամքի հմտությունների ուսուցանում.

8) բուժաշխատողների մասնագիտական որակավորման բարձրացում.

9) հաշվառման և հաշվետվական փաստաթղթերի վարում, սահմանված կարգով գործունեության մասին հաշվետվության տրամադրում:

30. Հիվանդանոցային պայմաններում պալիատիվ բժշկական օգնության և սպասարկման իրականացման համար հիմք հանդիսացող հիմնական ցուցումներն են`

1) արտահիվանդանոցային պայմաններում, այդ թվում` տանը կառավարմանը չենթարկվող արտահայտված ցավային համախտանիշը,

2) հիվանդության ծանր ձևերը, որոնք պահանջում են ախտանշանային բուժում հիվանդանոցային պայմաններում` բժշկի հսկողության ներքո,

3) հիվանդանոցային պայմաններում վարման պլանի ընտրությունը` բուժումը տանն իրականացնելու համար,

4) բժշկական միջամտությունների իրականացման անհրաժեշտությունը, որոնց իրականացումը հնարավոր չէ արտահիվանդանոցային պայմաններում, այդ թվում` նաև տանը (պունկցիաների իրականացում, ստենտերի, դրենաժների տեղադրում, ռեգիոնալ անեսթեզիայի մեթոդների կիրառում և այլն):

31. Հիվանդանոցային պայմաններում պալիատիվ բժշկական օգնությունը և սպասարկումը կազմակերպվում է բազմամասնագիտական թիմի միջոցով, որը ևս իրականացնում է սույն չափորոշչի 22-րդ կետի 3-րդ, 4-րդ, 5-րդ ենթակետերով սահմանված գործառույթները:

32. Վարակիչ հիվանդությունների առկայության դեպքում պացիենտների պալիատիվ բժշկական օգնությունը և սպասարկումն իրականացվում է՝ ապահովելով անհրաժեշտ մեկուսացման ռեժիմները և պայմանները։

33. Հիվանդանոցային պայմաններում պալիատիվ բժշկական օգնության և սպասարկման տրամադրման ավարտին բժշկական կազմակերպության կողմից տրվում է էպիկրիզ, որը պացիենտը ներկայացնում է արտահիվանդանոցային պալիատիվ բժշկական կազմակերպություն:

 

6. ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇԱՐԺԱԿԱՆ (ՄՈԲԻԼ) ԾԱՌԱՅՈՒԹՅԱՆ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄ

 

34. Պալիատիվ բժշկական օգնության և սպասարկման շարժական (մոբիլ) ծառայությունը կարող է ձևավորվել արտահիվանդանոցային կամ հիվանդանոցային բժշկական կազմակերպության կազմում` պացիենտներին տնային պայմաններում (երբ պացիենտը անկարող է ինքնուրույն տեղափոխվել կամ տեղափոխումը կապված է դժվարությունների հետ), խնամք տրամադրող բնակչության սոցիալական պաշտպանության ընդհանուր տիպի հաստատություններում (մանկատներ, ծերանոցներ) գտնվող անձանց պալիատիվ բժշկական օգնություն և սպասարկում տրամադրելու համար։

35. Պալիատիվ բժշկական օգնության և սպասարկման շարժական (մոբիլ) թիմը իրականացնում է հետևյալ գործառույթները`

1) պալիատիվ բժշկական օգնության և սպասարկման ցուցաբերում տանը.

2) պալիատիվ բժշկական օգնության և սպասարկման կարիք ունեցող պացիենտների դինամիկ հսկողություն.

3) ցավազրկման կարիք ունեցող պացիենտների համար անհրաժեշտ ցավազրկողների նշանակում և դուրս գրում.

4) բժշկական ցուցումների առկայության դեպքում պացիենտների ուղղորդում հիվանդանոցային պայմաններում պալիատիվ բժշկական կազմակերպություն.

5) հիմնական հիվանդության պրոֆիլի բժշկի և այլ նեղ մասնագետների կողմից պացիենտի համար խորհրդատվության կազմակերպում.

6) բժիշկներին պալիատիվ բժշկական օգնության և սպասարկման հարցերով խորհրդատվական օգնության ցուցաբերում.

7) համագործակցություն սոցիալական սպասարկման համակարգի մարմինների և կազմակերպությունների հետ Հայաստանի Հանրապետության կառավարության 2015 թվականի սեպտեմբերի 10-ի N 1044-Ն որոշման համաձայն.

8) պացիենտների, նրանց ընտանիքի անդամների և խնամք իրականացնող անձանց համար խնամքի հմտությունների ուսուցանում.

9) հաշվառման և հաշվետվական փաստաթղթերի վարում, սահմանված կարգով գործունեության մասին հաշվետվության տրամադրում:

36. Իր գործունեության ապահովման համար շարժական (մոբիլ) ծառայությունն օգտագործում է այն բժշկական կազմակերպության լաբորատոր-գործիքային ախտորոշիչ և օժանդակ ստորաբաժանումների հնարավորությունները, որի կազմում գտնվում է:

 

7. ԵՐԵԽԱՆԵՐԻ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՈՒՄԸ

 

37. Մանկական պալիատիվ բժշկական օգնությունն ու սպասարկումն իրենից ներկայացնում է կյանքը սահմանափակող հիվանդություններով երեխաներին բազմամասնագիտական թիմային ծառայությունների տրամադրում շաբաթը 7 օր 24 ժամ սկզբունքով:

38. Մանկական պալիատիվ բժշկական օգնության և սպասարկման տրամադրմանը ներգրավված անձնակազմը ներառում է մանկական պալիատիվ բժշկական օգնության հարցերի շուրջ վերապատրաստված բժիշկների, հոգեբանների, բուժքույրերի: Կախված հիվանդության և վիճակի բնույթից, բուժող բժշկի ցուցմամբ թիմի մեջ կարող են ներգրավվել այլ նեղ մասնագետներ:

39. Մանկական պալիատիվ բժշկական օգնության և սպասարկման ուղեգրելու մասին որոշումն ընդունվում է երեխային բուժող բժշկի կողմից` պալիատիվ բժշկության մասնագետի պարտադիր մասնակցությամբ:

40. Մանկական պալիատիվ բժշկական օգնությունն ու սպասարկումն իրականացվում է համաձայն Հայաստանի Հանրապետության առողջապահության նախարարի 2022 թվականի մարտի 30-ի N 1312-Լ, 2023 թվականի օգոստոսի 08-ի N 3872-Լ, 2025 թվականի հուլիսի 01-ի N 3969-Լ և 2025 թվականի հունվար 15-ի N 05-Ն հրամաններով հաստատված դրույթների:

 

Ձև 1

 

ԲՆԱԿՉՈՒԹՅԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԵՎ ԲԱՐԵԼԱՎՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ ԵՎ ԱՅԼ ՊԱՅՄԱՆՆԵՐՈՎ ՊԱԼԻԱՏԻՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ԿԻՐԱՌՎՈՂ 18 ՏԱՐԵԿԱՆ ԵՎ ԲԱՐՁՐ ՏԱՐԻՔԻ ՊԱՑԻԵՆՏԻ ՎԱՐՄԱՆ ՔԱՐՏ N

 

1. Պացիենտի անձը հաստատող փաստաթուղթ (անձնագիր/ID) ___________________________________

2. Անուն,ազգանուն _________________________________________________________________________

3. Սեռը ________ □ Ար _____ □ Իգ

4. Տարիքը ________________________________________________________________________________

5. Բնակության վայրի հասցեն ________________________________________________________________

6. Կրթություն(մասնագիտություն) _____________________________________________________________

7. Պալիատիվ բժշկական օգնության և սպասարկման իրականացում`

 

□ Մոբիլ խումբ	□ Պոլիկլինիկա	□ Ստացիոնար (օրերի քանակը_____)
□ Հոսփիս	□ Շտապ կանչ	□ Ցերեկային ստացիոնար

 

8. ՀՄԴ-10 Ախտորոշում

_____________________________________________________________________________________

_____________________________________________________________________________________

_____________________________________________________________________________________

9. Ուղեկցող հիվանդություններ

____________________________________________________________________________________

____________________________________________________________________________________

10. Ընտանիքի կազմը (Ծնողներ, կին/ամուսին, երեխաներ)__________________________________

11. Հեռախոսային խորհրդատվության հնարավորություն___________________________________

12. Կոնտակտային հեռախոսի համար___________________________________________________

13. Սպասարկման սկզբի ամսաթիվ _____________________________________________________

14. Սպասարկման ավարտի ամսաթիվ ______________________________________________________

15. Սպասարկման տևողությունը (օրեր/շաբաթներ) ___________________________________________

 

ՑԱՎԻ ԱՆԱՏՈՄԻԱԿԱՆ ՏԵՂԱԿԱՅՈՒՄԸ

 

Նշեք ցավի անատոմիական տեղակայումը և աստիճանը ըստ VAS -ի:

Ցավի գնահատում տեսաանալոգային աղյուսակով (VAS) 0 - ցավը բացակայում է, 10 – անտանելի ցավ

 

 

ԿՈՂՄՆՈՐՈՇԻՉ ՀԱՐՑԱՇԱՐ ՆԵՅՐՈՊԱՏԻԿ ՑԱՎԻ ՀԱՄԱՐ DN4

 

Նշեք ԱՅՈ կամ ՈՉ բառերը եթե դրանք համապատասխանում են պացիենտի ցավի բնութագրին:

 

1․ Արդյո՞ք պացիենտի ցավը համապատասխանում է հետևյալ սահմանումներից մեկին կամ մի քանիսին:

Ախտանիշ

Ամսաթիվ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այրոց

Ցավոտ ցրտի զգացողություն

Էլեկտրական հոսանքի զգացողություն

2․ Արդյո՞ք ցավն ուղեկցվում է հետևյալ ախտանիշներից մեկով կամ մի քանիսով ցավի հատվածում.

 

Ախտանիշ

Ամսաթիվ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Ճմթոցի կամ մրջյունների զգացումով

Ծակծկոցներով

Թմրածությունով

Քորով

3․ Արդյո՞ք ցավը տեղայնացված է նույն հատվածում, որտեղ հետազոտությունը հայտնաբերում է հետևյալ ախտանիշներից մեկը կամ երկուսը:

 

Ախտանիշ

Ամսաթիվ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Հպման նկատմամբ զգայունության նվազում

Ծակոցների նկատմամբ զգայունության նվազում

4․ Հնարավո՞ր է ցավ առաջացնել կամ ուժեղացնել դրա տեղայնացման հատվածում:

 

Ախտանիշ

Ամսաթիվ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այո

Ոչ

Այդ հատվածում խոզանակով անցկացնելիս

Նշում. Բժիշկն անձամբ է զրուցում պացիենտի հետ` առողջական վիճակի վերաբերյալ տեղեկություն ստանալու նպատակով: 1 միավորը տրվում է յուրաքանչյուր «ԱՅՈ» կետին:

Եթե պացիենտի ցուցանիշը ≥ 4/10, ապա թեսթը դրական է:

Յուրաքանչյուր կետին պետք է պատասխանել «ԱՅՈ» կամ «ՈՉ»:

Հարցաշարի վերջում բժիշկը հաշվում է պատասխանների բալերը` 1 «ԱՅՈ»-ի համար և 0 «ՈՉ»-ի:

Այնտեղ, որտեղ նշված է պացիենտի ցուցանիշ, պետք է գրել ստացված արդյունքը մինչև 10-ը:

 

ԿԱՐՆՈՖՍԿՈՒ ՑՈՒՑԱՆԻՇԸ (ԹԵՍՏ)

 

100% Նորմալ վիճակ հյուծվածության նշաններ չկան
90% Կան հիվանդության նվազագույն նշաններ կամ ախտանշաններ, կարելի է նորմալ գործունեություն վարել
80% Ջանքերի գործադրմամբ կարելի է նորմալ գործունեություն վարել, կան հիվանդության նվազագույն նշաններ կամ ախտանշաններ
70% Ի վիճակի է ինքնուրույն հոգալ իր կարիքները, ի վիճակի չէ նորմալ գործունեություն վարել կամ աշխատել
60% Երբեմն օգնության կարիք ունի, բայց հիմնականում կարող է ինքնուրույն հոգալ իր կարիքները
50% Պահանջվում է մասնագիտական բժշկական օգնություն - մասնագիտական խնամք
40% Անկարող վիճակ, պահանջվում է առանձնահատուկ խնամք – աջակցում
30% Լիովին անկարող վիճակ, խորհուրդ է տրվում խնամք իրականացնել հիվանդանոցային պայմաններում, եթե նույնիսկ վաղահաս մահ չի սպասվում
20% Անհապաղ հոսպիտալացնել, ծայրաստիճան հյուծվածություն, պահանջվում է ինտենսիվ բուժում, ակտիվ աջակցություն
10% Մահամերձ, արագ զարգացող անխուսափելի պրոցես

 

ԷԴՄՈՆՏՈՆԻ ԱԽՏԱՆԻՇՆԵՐԻ ԳՆԱՀԱՏՄԱՆ ՀԱՄԱԿԱՐԳ

(բուժաշխատողի համար)

 

Ախտանիշ	Աստիճան	Ամիս/օր
Ցավ	0
Հոգնածություն	0
Քնկոտություն	0
Սրտխառնոց	0
Ախորժակի բացակայություն	0
Շնչարգելություն	0
Դեպրեսիա (ընկճախտ)	0
Բավարար ինքնազգացողություն	0
	0
Այլ խնդիրներ	0

 

Պացիենտի անուն, ազգանուն____________________________________________________________

Տարեթիվ/ամիս _______________________________ Ժամ ____________________________________

Ով է լրացրել (ընտրել նշված տարբերակներից մեկը)`

- Պացիենտն ինքնուրույն ________________________________________________________________

- Պացիենտը խնամողի օգնությամբ _______________________________________________________

- Խնամողը ____________________________________________________________________________

 

ՏԵՂԵԿԱՑՎԱԾ ՀԱՄԱՁԱՅՆՈՒԹՅՈՒՆ

 

Ես տեղեկացված եմ և համաձայն եմ ստանալ պալիատիվ բժշկական օգնություն և սպասարկում:

Սույնով պացիենտը կամ պացիենտի օրինական ներկայացուցիչը հաստատում է, որ տեղյակ է չօգտագործված թմրամիջոցների վերադարձման վերաբերյալ:

 

Ամսաթիվ «________»_______________20__թ.

Ստորագրություն ____________________________

 

Պացիենտի օրինական ներկայացուցչի կամ ընտանիքի որևէ անդամի համաձայնությունը պացիենտին պալիատիվ բժշկական օգնություն և սպասարկում տրամադրելու համար¹:

Պացիենտի օրինական ներկայացուցչի կամ ընտանիքի որևէ անդամի Ա.Ա.Հ, հեռախոսահամարը և հասցեն`

______________________________________________________________________________________

_________________________________________________________________________________

Հայտարարում եմ, որ ես ծանոթացել եմ պալիատիվ բժշկական օգնության և սպասարկման տրամադրման վերաբերյալ մանրամասներին:

 

Ես համաձայն եմ, որ ________________________________________________________________

(պացիենտի անուն ազգանուն)

տրամադրվի պալիատիվ բժշկական օգնություն և սպասարկում:

 

1. Ծանոթություն` Սույն հատվածը լրացնել, եթե պացիենտը գտնվում է անգիտակից վիճակում կամ ինքնուրույն ի վիճակի չէ որոշում կայացնել բուժման վերաբերյալ:

__________________

 

ՆՇԱՆԱԿՈՒՄՆԵՐԻ ԹԵՐԹԻԿ

 

ՆԵՂ ՄԱՍՆԱԳԵՏՆԵՐԻ, ՀՈԳԵԲԱՆԻ, ՍՈՑԻԱԼԱԿԱՆ ԱՇԽԱՏՈՂԻ ԽՈՐՀՐԴԱՏՎՈՒԹՅԱՆ ԹԵՐԹԻԿ

 

ԱՅԼ ՆՇՈՒՄՆԵՐ

 

ՏԱԳՆԱՊԻ ԵՎ ԸՆԿՃԱԽՏԻ (ԴԵՊՐԵՍԻԱՅԻ) ԹԵՍՏ

 

Ստորև ներկայացրած յուրաքանչյուր խմբում նշեք Ձեր այսօրվա առողջական վիճակին համապատասխանող մեկ վանդակ

 

1. Ես լարված եմ

 □ 3 հիմնականում

 □ 2 հաճախ

 □ 1 ժամանակ առ ժամանակ

 □ 0 լարված չեմ

2. Ես ունենում եմ հանկարծակի տագնապի զգացողություն

 □ 3 շատ հաճախ

 □ 2 բավականին հաճախ

 □ 1 ժամանակ առ ժամանակ

 □ 0 բոլորովին չեմ ունենում

3. Ես ունեմ վատ կանխազգացում

 □ 3 միանշանակ այդպես է և վախը շատ ուժեղ է

 □ 2 այո դա այդպես է, բայց վախը այնքան ուժեղ չէ

 □ 1 ժամանակ առ ժամանակ, բայց դա ինձ չի անհանգստացնում

 □ 0 չունեմ

4. Ես անհանգիստ եմ, չեմ կարողանում տեղումս նստած մնալ

 □ 3 միանշանակ

 □ 2 հաճախ

 □ 1 ոչ այդքան հաճախ

 □ 0 ընդհանրապես անհանգիստ չեմ

5. Գլխումս անհանգիստ մտքեր են պտտվում

 □ 3 անընդհատ

 □ 2 հաճախակի

 □ 1 ոչ այնքան հաճախ

 □ 0 հազվադեպ

6. Ես խուճապի զգացողություն ունեմ՝ թրթռոց ստամոքսում

 □ 0 ընդհանրապես չեմ ունենում

 □ 1 ժամանակ առ ժամանակ

 □ 2 բավականին հաճախ

 □ 3 շատ հաճախ

7. Ես հեշտությամբ կարող եմ նստել և հանգստանալ

 □ 0 միանշանակ այդպես է

 □ 1 հավանաբար դա այդպես է

 □ 2 ոչ հաճախ

 □ 3 բոլորովին չեմ կարող

8. Ինձ թվում է, որ ես շատ դանդաղաշարժ եմ դարձել

 □ 3 գործնականորեն միշտ

 □ 2 շատ հաճախ

 □ 1 ժամանակ առ ժամանակ

 □ 0 ընդհանրապես դանդաղաշարժ չեմ դարձել

9. Ես հաճույքով եմ անում այն ամենն, ինչը սովորաբար արել եմ

 □ 0 միանշանակ

 □ 1 հավանաբար

 □ 2 որոշ չափով

 □ 3 բոլորովին այդպես չէ

10. Ես դարձել եմ անտարբեր արտաքինիս նկատմամբ

 □ 3 միանշանակ

 □ 2 ես դրան այնքան ժամանակ չեմ հատկացնում ինչքան անհրաժեշտ է

 □ 1 միգուցե ես դրան ավելի քիչ նշանակություն եմ տալիս

 □ 0 ես ինձ հետևում եմ ինչպես միշտ

11. Ես կարող եմ ծիծաղել և կարող եմ յուրաքանչյուր իրադարձության զվարճալի կողմը տեսնել

 □ 0 միանշանակ այդպես է

 □ 1 հավանաբար դա այդպես է

 □ 2 որոշ չափով

 □ 3 ընդհանրապես չեմ կարողանում

12. Ես ակնկալում եմ հաճույք ստանալ կյանքից

 □ 0 ինչպես միշտ

 □ 1 այո, բայց ոչ այնքան, ինչպես նախկինում

 □ 2 ավելի հազվադեպ, քան նախկինում

 □ 3 ընդհանրապես չեմ ակնկալում

13. Ես կայտառ եմ, լավ տրամադրություն եմ ունենում

 □ 3 երբեք

 □ 2 ոչ հաճախ

 □ 1 սովորաբար

 □ 0 մշտապես կայտառ եմ զգում

14. Ես կարող եմ հաճույքով դիտել հեռուստացույց, լսել ռադիո կամ գիրք կարդալ

 □ 0 հաճախ

 □ 1 ժամանակ առ ժամանակ

 □ 2 հազվադեպ

 □ 3 երբեք

 

ԷԴՄՈՆՏՈՆԻ ԱԽՏԱՆԻՇՆԵՐԻ ԳՆԱՀԱՏՄԱՆ ՀԱՄԱԿԱՐԳԸ

(ՎԵՐԱԳՆԱՀԱՏՎԱԾ)

 

Խնդրում ենք շրջանակով նշել այն թիվը, որը լավագույնս նկարագրում է, թե ինչպես եք զգում ձեզ ներկա պահին:

 

ՉԿԱ ՑԱՎ	0 1 2 3 4 5 6 7 8 9 10	ԱՌԱՎԵԼԱԳՈՒՅՆ ՑԱՎ
ՉԿԱ ՀՈԳՆԱԾՈՒԹՅՈՒՆ (ԷՆԵՐԳԻԱՅԻ ՊԱԿԱՍ)	0 1 2 3 4 5 6 7 8 9 10	ԱՌԱՎԵԼԱԳՈՒՅՆ ՀՈԳՆԱԾՈՒԹՅՈՒՆ
ՉԿԱ ՔՆԿՈՏՈՒԹՅՈՒՆ	0 1 2 3 4 5 6 7 8 9 10	ԽԻՍՏ ԱՐՏԱՀԱՅՏՎԱԾ ՔՆԿՈՏՈՒԹՅՈՒՆ
ՉԿԱ ՍՐՏԽԱՌՆՈՑ	0 1 2 3 4 5 6 7 8 9 10	ԱՆԸՆԴՄԵՋ ՍՐՏԽԱՌՆՈՑ
ՉԿԱ ԱԽՈՐԺԱԿԻ ԲԱՑԱԿԱՅՈՒԹՅՈՒՆ	0 1 2 3 4 5 6 7 8 9 10	ԲԱՑԱՐՁԱԿ ԱԽՈՐԺԱԿԻ ԲԱՑԱԿԱՅՈՒԹՅՈՒՆ
ՉԿԱ ՇՆՉԱՐԳԵԼՈՒԹՅՈՒՆ	0 1 2 3 4 5 6 7 8 9 10	ԽԻՍՏ ԱՐՏԱՀԱՅՏՎԱԾ ՇՆՉԱՐԳԵԼՈՒԹՅՈՒՆ
ՉԿԱ ԴԵՊՐԵՍԻԱ (ԸՆԿՃԱԽՏ)	0 1 2 3 4 5 6 7 8 9 10	ԾԱՅՐԱԳՈՒՅՆ ԴԵՊՐԵՍԻԱ (ԸՆԿՃԱԽՏ)
ՉԿԱ ԱՆՀԱՆԳՍՏՈՒԹՅՈՒՆ	0 1 2 3 4 5 6 7 8 9 10	ԽԻՍՏ ԱՐՏԱՀԱՅՏՎԱԾ ԱՆՀԱՆԳՍՏՈՒԹՅՈՒՆ
Բավարար ինքնազգացողություն	0 1 2 3 4 5 6 7 8 9 10	ՎԱՏԱԳՈՒՅՆ ԻՆՔՆԱԶԳԱՑՈՂՈՒԹՅՈՒՆ
Չկան այլ խնդիրներ (օր. փորկապություն)	0 1 2 3 4 5 6 7 8 9 10	ԱՅԼ ԽՆԴԻՐՆԵՐԻ ՎԱՏԱԳՈՒՅՆ ԴՐՍԵՎՈՐՈՒՄ

 

Պացիենտի անունը ___________________________________________________________

Տարեթիվ/ամիս _______________________________ Ժամ __________________________

Ով է լրացրել (ընտրել նշված տարբերակներից մեկը)`

- Պացիենտն ինքնուրույն ______________________________________________________

- Պացիենտը խնամողի օգնությամբ _____________________________________________

- Խնամողը ________________________________________________________________