ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒՆԻՍԻ 3-Ի N 927-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33–րդ և 34-րդ հոդվածներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2021 թվականի հունիսի 3-ի «Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2026 թվականների ծրագիրը հաստատելու և Հայաստանի Հանրապետության կառավարության 2019 թվականի մարտի 29-ի N 361-Լ, 2019 թվականի ապրիլի 4-ի N 362-Լ և 2019 թվականի մարտի 7-ի N 212-Լ որոշումներն ուժը կորցրած ճանաչելու մասին» N 927–Լ որոշման հավելվածում կատարել հետևյալ փոփոխությունները և լրացումը՝

1) 23-րդ կետի 13-րդ ենթակետի «է» պարբերությունում «այն շահառուի համար, որի» բառերը փոխարինել «, ինչպես նաև ծրագրի շրջանակում հիմնված այգում առանց այգեհիմնման կարկտապաշտպան համակարգ ներդրած այն շահառուների համար, որոնց» բառերով.

2) 23-րդ կետի 13-րդ ենթակետի «ը» պարբերությունում «սեպտեմբերի» բառը փոխարինել «նոյեմբերի» բառով.

3) 40-րդ կետը «տարածվում է» բառից հետո լրացնել «նաև» բառով։

2. Սույն որոշման 1-ին կետի 3-րդ ենթակետի դրույթը տարածվում է 2026 թվականի հունիսի 26-ից հետո ծագած հարաբերությունների վրա։

3. Սույն որոշումն ուժի մեջ է մտնում հրապարակմանը հաջորդող օրվանից։