ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Տարեց կամ հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 3-խնամք (տարեկան) վիճակագրական հաշվետվության ձևը՝ համաձայն հավելված 1-ի.

2. Հաստատել «Տարեց կամ հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 3-խնամք (տարեկան) վիճակագրական հաշվետվության լրացման հրահանգը՝ համաձայն հավելված 2-ի.

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

Բաժին 1. Շենքային պայմանները

Բաժին 3. Տարեց և հաշմանդամություն ունեցող անձանց թվաքանակի սեռատարիքային բաշխվածությունն և շարժը

1. Սույն հրահանգով կարգավորվում է «Տարեց կամ հաշմանդամություն ունեցող անձանց սոցիալական պաշտպանության հաստատությունների գործունեության մասին» Ձև 3-խնամք (տարեկան) վիճակագրական հաշվետվության (այսուհետ՝ Հաշվետվություն) լրացման հետ կապված հարաբերությունները:

2. Հաշվետվությունը ներկայացնում են տարեց կամ հաշմանդամություն ունեցող անձանց սոցիալական պաշտպանության հաստատությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա մարտի 1-ը: Տվյալները լրացվում են հաշվետու ժամանակաշրջանի վերջին օրվա դրությամբ:

4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

5. Բաժին 1-ում լրացվում են տարեց կամ հաշմանդամություն ունեցող անձանց սոցիալական պաշտպանության հաստատությունների շենքային պայմանների վերաբերյալ տվյալները․

1) «100.1»-«100.9» ծածկագրերով տողերում լրացվում են շենքի ընդհանուր վիճակի վերաբերյալ տվյալները,

2) «110.1»-«130.9» ծածկագրերով տողերում լրացվում են ջրամատակարարման, տաք ջրամատակարարման և կոյուղացման վերաբերյալ տվյալները,

3) «140.1»-«140.9» ծածկագրերով տողերում լրացվում են ջեռուցման վերաբերյալ տվյալները,

4) «150» ծածկագրով տողում լրացվում են տարեց կամ հաշմանդամություն ունեցող անձանց սոցիալական պաշտպանության հաստատությունների նախագծային հզորությունը (նախատեսված տեղերի քանակը, այլ ոչ թե փաստացի զբաղեցված տեղերի կամ հաշմանդամություն ունեցող անձանց թվաքանակը):

6․ Սույն հրահանգի 5-րդ կետի տվյալները լրացվում են համապատասխան պայմաններ ունեցող շենքերի քանակի թվով:

7. Բաժին 2-ում լրացվում են.

1) «200» ծածկագրով տողում՝ տվյալներ տարեց կամ հաշմանդամություն ունեցող անձանց սոցիալական պաշտպանության հաստատությունների շենքերի ընդհանուր մակերեսի վերաբերյալ,

2) «210» ծածկագրով տողում՝ տարեց կամ հաշմանդամություն ունեցող անձանց սոցիալական պաշտպանության հաստատությունների շենքերին կից կամ ամրակցված այլ տարածքների ընդհանուր մակերեսի վերաբերյալ,

8. Բաժին 3-ում լրացվում են.

1) «300», «330» և «340» ծածկագրերով տողերում՝ խնամյալների թվաքանակի և նրանց սեռատարիքային բաշխվածության վերաբերյալ տվյալներ,

2) «310»-«310.3», «320» և «320.1» ծածկագրերով տողերում՝ հաշվետու տարվա ընթացքում խնամյալների քանակական շարժի մասին տվյալներ,

3) «310» ծածկագրով տողում ինքնաշխատ արտացոլվում է «310.1»-«310.3» ծածկագրերով տողերի գումարը,

4) «350» ծածկագրով տողում՝ ամուսնական զույգերի քանակը (լրացվում է միայն սյունակ 1-ը):

9. Բաժին 4-ում լրացվում են.

1) «400» ծածկագրով տողում՝ տարեց կամ հաշմանդամություն ունեցող անձանց սոցիալական պաշտպանության հաստատության ամբողջ աշխատակազմի վերաբերյալ տվյալները` ըստ նրանց սեռի և կրթական մակարդակի,

2) «400» ծածկագրով տողում ինքնաշխատ արտացոլվում է «400.1»-«400.8» ծածկագրերով տողերի գումարը:

Պաշտոնական հրապարակման օրը՝ 10 սեպտեմբերի 2026 թվական: