ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

Ո Ր Ո Շ ՈՒ Մ Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴԻՐ, ԳՈՐԾԱԴԻՐ ԵՎ ԴԱՏԱԿԱՆ ԻՇԽԱՆՈՒԹՅԱՆ, ԻՆՉՊԵՍ ՆԱԵՎ ԻՇԽԱՆՈՒԹՅԱՆ ՏԵՂԱԿԱՆ ՄԱՐՄԻՆՆԵՐԻ ՂԵԿԱՎԱՐ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՀԱՇՎԱՐԿՄԱՆ ԿԱՐԳԻ ԵՎ ՊԱՇՏՈՆԱՅԻՆ ՀԱՄԱՊԱՏԱՍԽԱՆՈՒԹՅԱՆ ՄԱՍԻՆ

Ելնելով Հայաստանի Հանրապետության օրենսդիր, գործադիր և դատական իշխանության, ինչպես նաև իշխանության տեղական մարմինների ղեկավար աշխատողների աշխատանքի վարձատրության գործող համակարգի կատարելագործման և առկա անհամամասնությունների վերացման անհրաժեշտությունից, Հայաստանի Հանրապետության Գերագույն խորհրդի նախագահությունը որոշում է.

1. Հայաստանի Հանրապետության օրենսդիր, գործադիր և դատական իշխանության, ինչպես նաև իշխանության տեղական մարմինների ղեկավար աշխատողների պաշտոնային դրույքաչափերը սահմանել Հայաստանի Հանրապետության օրենսդրությամբ նախատեսված կարգով հաստատված նվազագույն աշխատավարձի համեմատ` բազմապատիկ գործակցով:

2. Հայաստանի Հանրապետության օրենսդիր, գործադիր և դատական իշխանության, ինչպես նաև իշխանության տեղական մարմինների ղեկավար աշխատողների պաշտոնային դրույքաչափերի հաշվարկման և աշխատանքի վարձատրության պաշտոնային համապատասխանության սանդղակը (տես հավելվածը):

3. Հայաստանի Հանրապետության Գերագույն խորհրդի պատգամավորների պատգամավորական գործունեության հետ կապված ծախսերի գումարը սահմանել Հայաստանի Հանրապետության օրենսդրությամբ նախատեսված կարգով` նվազագույն աշխատավարձի կրկնապատիկ չափով:

4. Սահմանել, որ Հայաստանի Հանրապետության պետական ծառայողի աշխատավարձը (ներառյալ բոլոր կարգի մշտական բնույթ կրող հավելավճարները) չի կարող գերազանցել իշխանության համապատասխան մարմնի ղեկավարի պաշտոնային դրույքաչափը, բացառությամբ Հայաստանի Հանրապետության օրենսդրությամբ նախատեսված դեպքերի:

5. Հայաստանի Հանրապետության կառավարությանը` մինչև 1993 թվականի հունվարի 1-ը.

- հաստատել ներկայացված ցանկում չընդգրկված պետական ծառայողների պաշտոնային դրույքաչափերի և մշտական բնույթ կրող հավելավճարների հաշվարկման և նշանակման կարգն ու պայմանները, հիմք ընդունելով օրենսդիր գործադիր և դատական իշխանության, ինչպես նաև իշխանության տեղական մարմիններում աշխատանքի վարձատրության պաշտոնային համապատասխանության պահպանման սկզբունքը.

- Հայաստանի Հանրապետության Գերագույն խորհրդի նախագահության հաստատմանը ներկայացնել այն նախարարությունների և գերատեսչությունների ցանկը, որոնցում ծառայող պետական պաշտոնյաների պաշտոնային դրույքաչափերի նկատմամբ սահմանվում են մշտական հավելավճարներ` ելնելով աշխատանքի յուրահատուկ բնույթից և խնդիրներից, ինչպես նաև վերոհիշյալ հավելավճարների հաշվարկման և նշանակման կարգն ու պայմանները.

- պետական ծառայողների աշխատանքի վարձատրության վերաբերյալ նախկինում ընդունված ենթաօրենսդրական ակտերը համապատասխանեցնել սույն որոշմանը:

6. Ուժը կորցրած համարել «Հայաստանի Հանրապետության նախագահի և Հայաստանի Հանրապետության փոխնախագահի գործունեության և անվտանգության պետական ապահովման ու սպասարկման մասին» Հայաստանի Հանրապետության Գերագույն խորհրդի 1991 թվականի հոկտեմբերի 21-ի որոշման 1-ին կետի «աշխատավարձ` ամսեկան 4000 ռուբլու չափով» և 2-րդ կետի «աշխատավարձ` ամսեկան 3000 ռուբլու չափով» բառերը, «Հայաստանի Հանրապետության կառավարության նախագահի գործունեության և անվտանգության պետական ապահովման ու սպասարկման մասին» Հայաստանի Հանրապետության Գերագույն խորհրդի 1991 թվականի հոկտեմբերի 21-ի որոշման 1-ին կետի «աշխատավարձ` ամսեկան 2300 ռուբլու չափով» բառերը, «Հայաստանի Հանրապետության Գերագույն խորհրդի պատգամավորների գործունեության ապահովման կարգի մասին» Հայաստանի Հանրապետության Գերագույն խորհրդի 1991 թվականի հոկտեմբերի 21-ի որոշմամբ հաստատված Հայաստանի Հանրապետության Գերագույն խորհրդի պատգամավորների գործունեության ապահովման կարգի 3-րդ կետի առաջին մասի «աշխատավարձը` ամսեկան 3100 ռուբլու չափով» բառերը, 4-րդ կետը և 5-րդ կետի առաջին մասը:

7. Սույն որոշումը կիրարկել 1992 թվականի նոյեմբերի 1-ից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԴԻՐ, ԳՈՐԾԱԴԻՐ ԵՎ ԴԱՏԱԿԱՆ ԻՇԽԱՆՈՒԹՅԱՆ, ԻՆՉՊԵՍ ՆԱԵՎ ԻՇԽԱՆՈՒԹՅԱՆ ՏԵՂԱԿԱՆ ՄԱՐՄԻՆՆԵՐԻ ՂԵԿԱՎԱՐ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՀԱՇՎԱՐԿՄԱՆ ԵՎ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՊԱՇՏՈՆԱՅԻՆ ՀԱՄԱՊԱՏԱՍԽԱՆՈՒԹՅԱՆ ՍԱՆԴՂԱԿ